विराटनगर, असोज ३०
निरज बस्नेत
मोरङ–५ प्रदेश(ख) अन्र्तगत गठबन्धनका उम्मेदवार अमृत अर्यालको जितको आधारशिला प्रवल रुपमा स्थापित हुदैं गईरहेको छ । विराटनगर–१० स्थायी वसोवास भएतापनि अर्यालको लोकप्रियता उँचाईमा पुगिरहेको देखिन्छ । सवैमाझ प्रिय छवि बनाएका अर्यालको व्यक्तित्व जति सरल छ, त्यति नैं अद्दितीय छ ।
अर्याललाई काउन्टर दिन जसपाका जयराम यादव तयार भएर चुनावी मैदानमा होमिएका छन् । यादव प्रदेश १ सरकारका वहालवाला मन्त्री समेत हुन् । स्वास्थ्य मन्त्रालयको जिम्मेवारी समेत यादवले सम्मालिरहेका छन् । यादवले मन्त्रालयको सरकारी गाडी यतिवेला व्यक्तिगत प्रयोजनको लागि दुरुपयोग गरिरहेका छन् । चुनावी मैदानमा होमिदा सरकारी गाडी प्रयोगमा ल्याउनु समेत निर्वाचन आचारसंहिता विपरित मानिन्छ । यादवलाई मोरङमा एमालेले साथ दिएको छ ।
यता अर्याल गठबन्धनका साझा उम्मेदवार हुन् । जितको आधारमा अर्याल, एककदम अगाडी छन् । पदको लागि राजनीति नगरी विशुद्द देश र जनताको लागि त्यागी नेताको कुशल छवि बनाएका अर्याल यस क्षेत्रका लागि मात्र नभई राष्ट्रिय राजनीतिमा समेत राम्रो प्रभाव पार्नसक्ने नेताको रुपमा चिनिन्छन् । अर्याललाई चुनाव जिताएमा यिनी प्रदेश १ सरकारका मुख्यमन्त्री हुने लगभग निश्चित प्रायः देखिन्छ । अर्यालको लोकप्रियताको चाङ उत्कट विन्दूमा छर्लङ देखिन्छ । यथार्थतामा भन्दा मोरङ–५ प्रदेश(ख) मा अर्यालले नै चुनाव जित्ने यस भेगका आम जनता दावी गर्छन् ।
