विराटनगर, कार्तिक ५
निरज बस्नेत
मोरङ–६ मा यतिवेला चुनावी माहौल ह््वात्तै तातेको अवस्था छ । हेविवेट उम्मेदवारद्दयका कारण पनि हुन सक्छ, माहौल गरमाएको यथार्थ हो । गएको ७४ को चुनावमा जितेका एमालेका लालवावु पण्डितको उम्मेदवारी फेरी परेको छ । उता गएकै ७४ को चुनावमा पराजित हुन पुगेका नेपाली कांग्रेसका डा. शेखर कोईरालाको उम्मेदवारी पर्नुलाई समेत अर्थपूर्ण रुपले हेरिएको छ ।
दुई हेविवेटद्दयको उम्मेदवारीलाई सवैले चासोको रुपमा अर्थयाएका छन् । ७४ को प्रतिनिधि सभाको चुनावमा एमालेका लालवावुले कांग्रेसका शेखरलाई ६७५ मतान्तरले पराजित गरेका थिएँ । लालवावुको त्योवेला ३३ हजार ९ सय ४१ मत आएको थियो । यता शेखरको ३३ हजार २ सय ६६ आएको हो । वि.सं. २०४८ सालको चुनावमा तत्कालीन मोरङ–३ बाट कांग्रेसका बद्रीनारायण बस्नेतलाई एमालेवाट नै लालवावुले चुनाव जिति विजयको झण्डा गाडेका थिएँ । लालवावुले २०४८ मै मजदूर संगठनबाट राजनीति शुरु गरेका हुन् । २०५१ को चुनावमा पुनः लालवावु चुनावी मैदानमा होमिदा बस्नेतसंग भने पराजित हुन पुगे । २०५६ मा कांग्रेसका गोपाल राजभण्डारीलाई लालवावुले हराएँ । पहिलो संविधानसभाको चुनावमा लालवावु समानुपातिक कोटाबाट सांसदमा चुनिएका थिएँ । दोस्रो संविधानसभाको चुनावमा पण्डितलाई पार्टीले पत्याएन । दुईपटक मन्त्री बन्न सफल पण्डित विगतमा माधव कुमार नेपाल खेमाका रुपमा चिनिन्थे । ५ पुष २०७७ मा प्रतिनिधि सभा विघटन हुदा पण्डित ओली कित्तामा पुगे । हाल एमालेका स्थायी कमिटी सदस्य लालवावु हुन् ।
कुनै समयमा धरानस्थित विपी क्याम्पका उपकूलपति भई लामो समय जागिर जीवन गरेका शेखरले त्यो जागिरे जीवन समाप्त गरी राजनीति शरु गरेका हुन् । एक उपनिर्वाचन गरी चारपटक चुनावी दौडमा छाएका शेखरले दुईपटक चुनाव जितेका छन् । २०६४ को संविधानसभा निर्वाचनमा तत्कालीन मधेसी जनअधिकार फोरमका अध्यक्ष विजय कुमार गच्छदारलाई शेखरले ५ हजार १ सय ५५ मतान्तरले हराएका थिएँ । यो वेला दुई ठाउँवाट उठेका गच्छदारले तत्कालीन मोरङ–७ बाट शेखरसँग हारेका हुन् । यसअघिको ७४ को चुनावमा एमालेका पण्डितसँग हारेका शेखरले मंसीर ४ , २०७९ मा बदला लिने राम्रो अवसर बन्न सक्दछ ।
