दिनेश खड्का
विराटनगर, कार्तिक ६
विराटनगरको चल्तीको रोयल व्रियानी हाउसको भान्सा कोठा प्रदूषित पाईएको छ । आम विराटनगरवासीको जनगुनासो आएपछी अनुगमनका क्रममा रोयलको किचेनमा गल्ती भेटिएको हो ।
वाणिज्य तथा आपूर्ति कार्यालय विराटनगर, जिप्रका मोरङ, खाध्य प्रविधि तथा गुण नियन्त्रण कार्यालय, पब्लिक फोरम विराटनगरको संयुक्त अनुगमन टोलीले अनुगमन गर्दा रोयल व्रियानीको पकाउने ठाउँमा फोहोर पाईएको हो । यस व्रियानी हाउसमा मापदण्ड विपरित भान्सा कोठा प्रयोगमा ल्याईएको अनुगमनका क्रममा फेला परेको देखिएको हो ।
यसैबीच विराटनगर–८ ट्राफिक चोकमा रहेको द रोयल व्रियानी हाउसलाई ३ दिनभित्र नियामक निकायले सुधार गर्न भनेको छ । यसका संचालक पप्पु अन्सारी हुन् । जो छोटो समयमा नै राम्रो मुनाफा कमाई सम्पन्न भएका छन् । अनुगमनका क्रममा रोयल व्रियानी भित्र भान्सा कोठा सँगै भाँडा धुने र फोहर फाल्ने एकै ठाउँमा भेटिएको थियो ।
