विराटनगर, कार्तिक ६
निरज बस्नेत
कार्तिक ४ गते घटित घटनाका फरार अभियुक्त गुण्डा किरण लामालाई प्रहरीले यो समाचार तयार पार्दासम्म पक्राउ गर्न सकेको छैन । लामाले मिटरब्याजकाे पैशा असुशल्न विराटनगरका औषधी व्यवसायी नवल यादव र अभिषेक शाहलाई शुक्रवार आफ्नै घरमा बोलाई बन्धक बनाएर निर्घात कुटपिट गरेका थिँए ।
गएको २९ असारमा यादवले लामासँग रु. ५ लाख रकम सापटी लिएका थिँए । यादवले ३ महिनाभित्र ५ लाखकाे १८ लाखसम्म बुझाईसकेका पनि थिँए । यति बुझाउदा समेत थप अझै रकमको डिमाण्ड गरेपछि उक्त घटनाले उग्र रुप लियाे । सल्लाह गर्नु छ भनी लामाले ४ कार्तिकमा आफ्नै घरमा बोलाई सहयोगी अनुज मगरलाई समेत प्रयाेग गरी यादव र शाहलाई कुटे ।
पीडक लामालाई मोरङ प्रहरीले अझैसम्म नियन्त्रणमा लिन नसक्नुलाई समाजले शंकाकाे दृष्टिकाेणले विश्लेषण गर्दैछ । शुक्रवारको घटनामा ठाडो निवेदन परेतापनि शनिवार जाहेरी परेको भनी प्रहरीले विदाको दिन जाहेरी दर्ता गरेकाे थिएन । शनिवार नभएपछि उक्त जाहेरी दर्ता कार्य आईतबारलाई साचिएकाे थियाे ।
घटना घटेको ४८ घण्टा भन्दा बढी भईसक्यो , लामा अझै फरार छन् । आखिर लामालाई प्रहरीले किन पक्राउ गर्न सकेको छैन । प्रश्न जटिल छ । लामाले राजनितिक संरक्षण पाईरहेकाे बजारमा गाईगुई सुनिदै छ । लामा नेकपा एमाले युवा संघ विराटनगर महानगर कमिटी अध्यक्ष हुन् । पार्टीका जिम्मेवार नेताहरु उनकाे विषयमा केही बाेल्न मानेका छैनन् । लामाकाे सम्बन्ध पार्टी अध्यक्ष केपी ओली, केन्द्रय सदस्य विनाेद ढकाल , ‘डन’ परिचय भएका एमाले युवा नेता परशुराम बस्नेत लगाएत पार्टीका थुप्रै शिर्ष नेताहरुसँग रहेकाे छ ।
