०६ मंसिर २०८३, शनिबार
21-11-2026 , Sat
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

‘गुण्डा’ लामाविरुद्ध पक्राउ पुर्जी जारी

Logo

जनचर्चा संवाददाता
विराटनगर, कार्तिक ०७
एमाले नेता परशुराम बस्नेतका निकटका रुपमा चिनिने ‘गुण्डा’ किरण लामाविरुद्ध पक्राउ पुर्जी जारी भएको छ ।

अपहरण, शरीर बन्धक, मिटरब्याज र फिरौंती कसुरमा मुछिएको लामालाई आईतबार जिल्ला अदालत मोरङले पक्राउ गर्नु भनी पुर्जी जारी गरेको हो ।
विराटनगर–८ का नवल यादव र विराटनगर–१४ का अभिषेक शाहले विराटनगर–११ बस्ने लामा विरुद्द शुक्रबार मोरङ प्रहरीमा जाहेरी दिएका थिए । जाहेरीमा लामाका सहयोगी अनुज मगरलाई पनि विपक्षी बनाईएको छ ।

पीडितद्दयलाई लामाले सल्लाह गर्नु छ भनी शुक्रवार आफ्नै निवासमा बोलाई निर्घात कुटपिट गरेका थिएँ । ५ घण्टासम्म काठामा बन्दक बनाएर लामाले कुटपिट गरेको पिडितहरुले प्रहरीलाई बयान समेत दिएका छन् । बयान अनुसार नवल यादवले लामाबाट गएको असार २९ गते मिटरब्याजमा ५ लाख रुपैंयाँ लिएका थिएँ । पैशा दिएको ३ महिनामैं लामाले डर धाक धम्की दिई ५ लाखको १३ लाखसम्म जर्वजस्ती असुलउपर गरिसकेको यादवले जाहेरीमा उल्लेख गरेका छन् । थप पँच्चिस लाख दिनुपर्ने भन्दै लामाले बन्धक बनाएर कुटपिट गरेको पिडित यादवको जिकिर छ। पिडितले ठाडो निवेदन पश्चात् प्रहरी लामाको घरमा पुगेको थियो । तर, लामालाई प्रहरीले फेला पार्न सकेन । लामा अझै पनि फरार नै छन् ।

लामा नेकपा एमाले युवा संघ विराटनगर महानगर कमिटी अध्यक्ष हुन् । ‘डन’ परिचय बनाएका एमाले नेता परशुराम बस्नतेका सहयोगी समेत हुन् लामा । बस्नेत आसन्न मंसीर–४ को चुनावमा प्रदेश–१ अन्र्तगतको मोरङ–६(ख) बाट एमालेका उम्मेदवार समेत बनेका छन् । लामाको यो हर्कतले एमालेलाई मोरङमा यो पटकको चुनावमा ठुलो क्षति पुग्ने विश्लेशण गरिदै छ । लामाको सम्बन्ध पार्टी अध्यक्ष केपी ओली, केन्द्रय सदस्य विनोद ढकाल लगाएत पार्टीका थुप्रै शिर्ष नेताहरुसँग समेत रहेको छ ।
विगतपनि पत्रकार प्रह्लाद गुरागाई, जगदिश शाहलाई समेत लामाले महेन्द्र चोकको एक होटलमा बन्धक बनाएर कुटेपिट गरेका थिए । एमालेको संरक्षणकै कारण लामाले विगतको करिब १२ वर्षदेखि गुण्डागर्दीलाई व्यवासय नै बनाएका छन् ।

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]