विराटनगर, कार्तिक १७
निरज बस्नेत
बुढीगंगा गाउँपालिका हातीमूढामा रहेको मनमोहन प्राविधिक विश्वविधालयमा स्नातक तहको भर्ना खुलेको छ । यस भर्ना अभियानको जानकारी दिन विहीवार विश्वविधालयकै हातामा आयोजित पत्रकार सम्मेलनमा उक्त कुराको जानकारी गराईएको हो ।
शैंक्षिक सत्र २०७८–२०७९ मा स्कूल अफ इन्जिनियरिङ अन्र्तगत स्नातक तहको बी. ई. एन.सिभिल इन्जिनियरिङ र बी. ई. ईन. इलेक्ट्रीकल एण्ड इलेक्ट्रोनिक्स इन्जिनियरिङ कार्यक्रमहरुमा क्रमशः ४८ र २४ सिटमा भर्ना लिइएको थियो ।
शैक्षिक सत्र २०७९ – २०८० का लागि भनेर बी. ई. एन. सिभिल इन्जिनियरिङ र बी. ई. ईन. ईलेक्ट्रीकल एण्ड ईलेक्ट्रोनिक्स इन्जिनियरिङ कार्यक्रमहरुमा क्रमशः ४८ र २४ सिटमा भर्ना लिईने लक्ष्य रहेको छ । जसका लागि प्रवेश परिक्षा दिनुपर्ने हुन्छ ।
यसका लागि न्यूनतम योग्यता मान्यता प्राप्त शिक्षण संस्थाबाट भौतिक विज्ञान वा जिव विज्ञान विषयमा प्रवीणता तह, उच्च माध्यमिक तह, ए लेभल वा इन्जिनियरिङ डिप्लोमा तह वा सो सरहको परिक्षामा कुल पूर्णाङको कम्तीमा ४५ प्रतिशत अंक प्राप्त गरी फिजिक्स, केमेस्ट्री र गणितमा कम्तीमा ४५ प्रतिशत ल्याई उतीर्ण हुनु पर्नेछ ।
त्यस्तैगरी विकल्पमा लेटर गे्रडिङ भएमा एनईबी को हकमा सवै विषयहरुमा फाईनल ग्रेडमा न्यूनतम सी ग्रेड प्राप्त गरी फिजिक्स, केमेस्ट्री र गणितमा कम्तीमा सी ल्याएको हुनुपर्नेछ । प्रविणता प्रमाणपत्र तह वा उच्च माध्यमिक तहमा जिवविज्ञान विषय लिने विधार्थीले छुट्टै गणित विषय लिई कम्तिमा ४५ प्रतिशत वा सी ग्रेड ल्याई फिजिक्स, केमेस्ट्री र गणितमा कम्तिमा ४५ प्रतिशत भएको हुनु पर्नेछ ।
आरक्षणतिर २७ र २४ रहेका छन् । खुला कोटा २१ र ९ हो । शूल्कतर्फ सिभिल इन्जिनियरिङ पढ्न ४ बर्षका लागि ५ लाख ८५ हजार लाग्छ । भर्नाको समयमा लिइएको १० हजार धरौटी चाहीँ पछि फिर्ता हुन्छ । स्कूल अफ इन्जिनियरिङ, स्नातक तहको छात्रवृतिसम्वन्धी जेहेन्दार तर्फ ४८ र २४ दुवैमा एक एक हुनेछ । पूर्ण छात्रवृति निड वेस्डतिर ४ र २ हो, यो पनि ४८ र २४ को सिटभित्र हो । सहुलियत छात्रवृतितर्फ ४८ र २४ मा ४ र २ नै हो । यी सवैको हकमा अर्ध वार्षिक शुल्कमा लागू गरिएको छ ।
