विराटनगर, मंसिर १
कोशी बहिरा संघले अवैधानिक तरिकाले विराटनगरमा पार्किङ शुल्क उठाईरहेको भेटिएको छ । विराटनगर महानगरपालिकासँग पार्किङ–सम्झौता सकिएपनि अवैध ढंगले उनीहरुले शुल्क उठाईरहेको भेटिएको हो । महानगरपालिकाका राजस्व महाशाखा प्रमुख सरोज गौतमले पार्किङ–सम्झौता सकिएको जनचर्चा डटकमलाई जानकारी दिएका छन् ।
सडकछेउ मोटरसाईकल पार्किङ गरेबापत ५ रुपैयाँ र चारपाग्रो पार्किङ गरेबापत १० रुपैयाँ संघले उठाईरहेको छ । संघले पार्किङ–शुल्क उठाएता पनि सवारीसाधनको सुरक्षा भने दिएको छैन । कायौं पटक पार्किङ गरेको ठाँउबाट बाईक÷हेलमेट हराउदा समेत संघले सुरक्षाको जिम्मा आफ्नो नभएको भन्दै पन्छिदै आएको छ । खुल्ला सडक पेटीमा पार्किङ गराउदा सावारीसाधनहरु घाम,दुलो र पानीले थ्रोत्रिरहेका छन् ।
विराटनगरको सावारीधनीहरु पार्किङ ठेक्का अव्यवहारिक भएको भन्दै महानगरपालिकाको कार्यप्रति रुष्ट छन् । नागरिक रुष्ट भएसँगै पुनः ठेक्का लगाउने विषयमा महानगरपालिका विचाराधिन बनेको छ ।
