विराटनगर, मंसीर २१
निरज बस्नेत
बुधवार दिनभरि जस्तो सर्वोच्च अदालत परिसर रामशाहपथ काठमाडौं तनावग्रस्त बन्यो ।
अभियन्ता तारा बरालले कानून व्यवसायीमाथि जुत्ता प्रहार गरिन् । प्रधानन्यायाधीस चोलेन्द्र शमशेर जबराको पक्षमा प्रदर्शन गर्ने यी अभियन्ता तारा बराललाई तत्काल प्रहरीले पक्राउ समेत गरेको छ ।
पूरानो संसदले महाअभियोग प्रस्ताव संसदमा दर्ता गरेको र टुंगोमा नपुर्याएको कारण प्रधानन्यायाधीस चोलेन्द्रलाई संघीय संसदका महासचिव भरतराज न्यौपानेले नयाँ संसद आउन लागेको र निर्वाचन परिणाम आईसकेको भनी बुधवार सफाई दिने निर्णय गरेकै कारण कानून व्यवसायीले सर्वोच्च परिसरमा धर्ना दिदै चोलेन्द्रको विरोध गरेको कारण अभियन्ता बरालले कानून व्यवसायीमाथि जुत्ता प्रहार गरेको बताएकी छिन् ।
यसै बीचमा संसदका महासचिवले गरेको निर्णय बदरको माग गर्दे सर्वोच्चचमा आजै रिट परेको छ । यसैक्रममा संभवत् भोली नै चोलेन्द्र सर्वोच्च जाने तयारीमा लागेको उनी निकट स्रोत दावी गर्छ । यो निर्णयसँगै महासचिव विवादमा तानिएका छन् । यता संसद भन्दा माथि सरकारी कर्मचारी हुकुमी शैलीको चौतर्फी विरोध भएको छ ।
आजै सर्वोच्चका न्यायाधीसहरुको फूलकोर्टको बैठक बसी यथास्थितीमा चोलेन्द्रलाई सर्वोच्च प्रवेश नदिने संकेत गरेका छन् । बैठकले महासचिव गौतमलाई पत्र लेखेको छ ।
पत्रमा ४ प्रश्न सोधिएको छ । सर्वोच्चको पहिलो प्रश्न–२०७८ फागुन १ मा दर्ता भएको महाअभियोग प्रस्तावका सम्वन्धमा महाअभियोग सिफारिस समितिबाट प्रतिनिधिसभामा पेश भएको भनिएको प्रतिवेदन उपरको कारबाहीको निरन्तरता अहिले कायम छ वा छैन ? दोस्रो प्रश्न–नयाँ प्रतिनिधिसभामा सो प्रस्ताव पेश हुन्छ वा हुन्न ? तेस्रो प्रश्न–महाअभियोग प्रस्ताव तत्कालीन प्रतिनिधिसभाको कार्यकाल समाप्त भएको मितिले निष्प्रभावी भएको हो ? वा निर्वाचनको मितिले ? र चौथो प्रश्न–नवनिर्वाचित प्रतिनिधिसभाले कार्य प्रारम्भ नगर्देको अवस्थामा कुन संवैधानिक वा कानुनी व्यवस्थाको आधारमा महासचिवले निष्प्रभावी भएको भनी उल्लेख गर्नुभएको हो ?
