विराटनगर, मंसीर २७
निरज बस्नेत
प्रधानन्यायाधीस चोलेन्द्र शमशेर जवरा मंगलवारबाट सर्वोच्च अदालतबाट औपचारिक रुपमा विदा भएका छन् । ६५ वर्षे उमेर हदका कारण जवराले आजबाट अवकाश पाएका हुन् ।
विवादीत छवि बनाएका जवरा माथि अव सम्पति शुद्दीकरणले भ्रष्टाचार र सम्पति शुद्दीकरणका सम्वन्धमा छानबिन गर्न सक्छ ।
न्यायपरिषद्को अभिलेखमा २८ मंसीर २०१४ सालमा जन्मेका जवरा बुधवारबाट ६५ बर्ष पूरा हुनेछन् । जबरामाथि अदालतमा विचाराधीन मुद्दामा मोलाहिजा गरेको र त्यसमार्फत गैरकानूनी सम्पति आर्जन गरेको आरोप लागेकाले अब अख्तियारले गैरकानुनी सम्पतिआर्जनको अभियोगमा अनुशन्धान गर्न सक्छ ।
जवरा माथिको प्रमुख आरोप नै भ्रष्टाचार हो ।
जबरा विरुद्दको महाअभियोग प्रस्तावमा भ्रष्टाचार र अनियमिततामा संलग्न भएको र गैरकानुनी सम्पति आर्जन गरेको उल्लेख छ । ३१ भदौको महाअभियोग सिफारिस समितिमा पेश भएको जवराको पछिल्लो सम्पति विवरण अनुसार, जवराले आर्जन गरेको २५ वर्षसम्मको न्यायसेवामा बस्दाको कूल आर्जित सम्पति १० गुणा ज्यादा देखिएको छ ।
३ वैशाख २०५३ मा तत्कालीन पुनरावेदन अदालतको अतिरिक्त न्यायाधीसको रुपमा प्रवेश गरेका जवराको अहिलेसम्म करिब १ करोड रुपैंया मात्रै तलवबापत आर्जन गरेको देखिन्छ । तर, यो अवधिमा जवराले १२ करोड बढीको लगानी जग्गामा गरेका छन्
जवराले जोडेको सम्पतिको मूल्य हालको बजार मूल्य अनुसार १ अर्व हुन्छ । १३ माघ २०६२ देखी ६ असोज २०६५ सम्म विशेष अदालतको सदस्य(न्यायाधीस) का रुपमा काम गरेर सरुवा भएका जवराले दुई महिनाभित्रै ठमेलमा ३ कित्ताको २१ आना जग्गा खरिद गरेका थिए । त्यसको करिब १० महिनापछि जवराले ५ आना क्षेत्रफलको ३ कित्ता जग्गा किनेको देखिन्छ । जवरा प्रधानन्यायाधीस भएको २ वर्षपछि रेजीको नाममा १ रोपनी ८ आना जग्गा किनेको भेटिन्छ ।
