विराटनगर, मंसिर २८
पत्रकार बह्मदेव यादवले पुषको पहिलो साताबाट चिरफार डटकम न्युज पोर्टल संचालनमा ल्याउने भएका छन् । कुनै प्राविधिक समस्या नआए पुष १ गतेबाटै पोर्टल संचालनमा ल्याउने संचालक यादवको तयारी छ ।
पत्रकारीताको मुल्य, मान्यता र सिद्धान्तलाई आत्मसाथ गर्दै चिरफार डटकम अघि बढ्ने संचालक बह्मदेव यादवले जनचर्चालाई जानकारी दिएका छन् । “सधैभरी श्रमजिवी–पत्रकार भएरै काम गर्न मनथ्यो, तर अरुको मिडियामा काम गरेर कहिलेपनि स्वतन्त्र पत्रकारिता गर्न नसकिदो रहेछ” यादव भन्छन् “ पछिल्लो समय न्युजरुममा मिडिया मालिकको हस्तक्षेप बढ्दै गएपछि पत्रकारिताको संरक्षण आफैले मिडिया संचालन गरेर गर्नुपर्छ भन्ने निश्कर्षमा पुगे ” ।
यादवले ५०को दशकदेखि विराटनगरमा रहि पत्रकारीता गर्दै आएका छन् । करिब आधा करोड लगानीमा चिरफार डट कम संचालनमा ल्याउन लागेको यादवको भनाई छ । यादवले केहि समयअघि आफनाे आधिकारिक फेसबुकमार्फत शक्तीशाली मिडियाकाे रुपमा चिरफार डट कम संचालनमा ल्याउन लागेकाे उद्घाेष गरेका थिए ।
