विराटनगर, पुष ६
निरज बस्नेत
एकीकृत समाजवादीका अध्यक्ष एवं संसदीय दलका नेता माधव कुमार नेपाल मंगलवारबाट विरामी भएका छन् ।
विरामी नेपालको अहिले त्रिवी शिक्षण अस्पतालमा उपचार भइरहेको छ । विरामी नेपाललाई भेट्न प्रधानमन्त्री, कांग्रेस सभापति एवं संसदीय दलका नेता शेरबहादुर देउवा त्रिवी अस्पताल महाराजगंज नै बुधवार पुगे । र, नेपालको स्वास्थ्यस्थितीबारे जानकारी लिए ।
विरामी नेपाललाई भेट्न प्रचण्ड समेत अस्पताल पुगेका थिए । चिकित्सकका अनुसार नेपालको अवस्था सामान्य रहेको बताएका छन् । नेपाललाई ज्वरो, रुघाखोकी, छातीमा संक्रमण भई गएराती त्रिवी शिक्षण अस्पताल भर्ना गरिएको हो ।
