०३ मंसिर २०८३, बुधबार
18-11-2026 , Wed
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

विकीनी किलर कुख्यात अपराधी चाल्र्स शोभराज विहीवारै रिहा हुने बताएतापनि शोभराज आफैले कारागार नै रोजे

Logo

विराटनगर, पुष ७
निरज बस्नेत
विकीनी किलरका नामले परिचित कुख्यात अपराधी चाल्र्स शोभराज विहीवार नै रिहा हुने पक्का भएको बताएतापनि शोभराज आफै रिहा हुन मानेनन् । यससँगै शोभराजलाई अव कारागारमा पाहुनासरी राख्ने कारागार स्रोतले बतायो ।

आवश्यक सवै प्रक्रिया पूरा गरी केन्द्रिय कारगारबाट चाल्र्स आजै थुनामुक्त हुने यसअघि बताइएको थियो ।

कारागार नियमावली, २०२० को नियम २९(२ क) ले ६५ बर्ष उमेर पुगेका कैदीहरुलाई असल चालचलनको आधारमा वा ओछ्यानमा परी निको हुननसक्ने अवस्थामा ७५ प्रतिशतसम्मको कैद सजाय छोट्याउन सक्ने व्यवस्था छ ।

सर्वोच्च अदालतले बुधवार नै शोभराजलाई रिहा गर्ने आदेश दिएको थियो । आदेशमा चाल्र्शलाई १५ दिनभित्र स्वदेश फिर्ताको व्यवस्था गर्न भनिएको छ । रिहा भएपछि शोभराजलाई अध्यागमन विभागमा लगिनेछ । अहिले केन्द्रिय कारागारभित्रै शोभराजको स्वास्थ्य परिक्षण गरिदैछ ।

सिरियल किलर शोभराज थुनामुक्त हुने भएपछि यिनकी सासुआमा शकुन्तला विश्वास औधी रमाएकी छिन् । रमाउँदै िभनिन् आई एम ग्रेटफूल, आई एम ह्याप्पी विश्वासले भनिन् । शकुन्तलाकी छोरी निहीतासँग शोभराजले विवाह गरेका थिए । जुन विवाह जेलमै भएको हो । पछि निहीता भारतीय रियालिटी शो विग बोसमा पनि सहभागी भएर समेत चर्चा बटुलेकी थिइन् । त्यहाँ रहँदा समेत निहीता शोभराजको प्रसंगले अधिक चर्चाको केन्द्रमा थिइन् ।

शकुन्तला एवं निहीता आमा–छोरी दुवै अधिवक्ता समेत हुन् ।

अदालतको आदेशमा शोभराजलाई १५ दिनभित्र उनको राष्ट्र फ्रान्स नै पठाइदिनु भनेको छ । यता शोभराज चाही जेलबाट मुक्त पश्चात् केही समय नेपालमै बस्न चाहन्छन् । रिहा लगत्तै शोभराजको ह्यात होटलमा बसेर मुटुको उपचार गराउने योजना रहेको छ ।

केन्द्रिय कारगारमा शोभराज १९ बर्ष २ महिना रहे । शोभराज अहिले ७७ बर्षको पुगे । सन् २००३ देखी शोभराज थुनामा थिए । सर्वोच्चका न्यायाधीस सपना मल्ल प्रधान र तिलप्रसाद श्रेष्ठले शोभराजलाई रिहा गर्ने आदेश दिएको हो । शोभराज २ असोज २०६० मा काठमाडौंको क्यासिनो रोयलबाट पक्राउ परेका थिए । यिनलाई जिल्ला अदालत भक्तपुरले कर्तव्य ज्यान सम्वन्धी मुद्दामा सर्वस्वसहित जन्मकैदको सजाय सुनाएको थियो ।

शोभराजले २१ डिसेम्वर १९७५ मा भक्तपुरमा आरमण्ड लरेण्ट क्यारियरे र त्यसको दुई दिनपछि कोनिजो ब्रान्ची नामक युवतीको हत्या गरेका थिए । शोभराज सन् १९६३ देखी १९७६ को अवधिमा थाइल्याण्ड, पाकिस्तान, भारत, मलेसिया, फ्रान्स, अफगानिस्तान, टर्की र ग्रिसमा श्रृंखलावद्द हत्या गरेर फरार व्यक्ति थिए ।

शोभराजविरुद्द अन्तराष्ट्रिय अपराध प्रहरी संगठन(इन्टरपोल) ले पनि ग्रिन कर्नर नोटिस जारी गरेको थियो । शोभराज भारतको जेलमा पनि १० बर्ष बसेर फरार भएका थिए । फरार हुने क्रममा यतिवेला शोभराजले कारागारमा खटिएकासहित कैदीबन्दीलाई बेहोस हुने औषधी खुवाएर भागेका थिए । शोभराज मोतीका व्यापारी पनि हुन् ।

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]