विराटनगर , पुष १०
विराटनगर – ९ मा रहेको राष्ट्रसेवक बचत तथा ऋण सहकारी संस्थाकाे २४ औं वार्षिक साधरणसभा सम्पन्न भएकाे छ । शनिवार विराटनगरमा आयाेजित सधारणसभामा आर्थिक प्रतिवेदन समेत प्रस्तुत भएकाे थियाे ।
प्रतिवेदन अनुसार साे सहकारीले आर्थिक वर्ष २०७८÷०७९ ३ करोड ७६ लाख भन्दा बढी रकम आम्दानी गर्न सफल भएको छ । सहकारीको कूल सम्पति दायित्व ३६ करोड ५७ लाख ७७ हजार ८ सय रुपैया ७६ पैसा रहेको छ । सहकारीको शेयर पुँजी ५ करोड ९२ लाख ४१ हजार २ सय रुपैया रहेको छ भने कोष हिसाब २ करोड ५९ लाख ९० हजार ४३१ रुपैया ७० पैसा रहेको छ ।
सहकारीको निक्षेप २६ करोड ३६ लाख ६७ हजार २९० रुपैया रहेको छ भने ऋण लगानी २६ करोड ९७ लाख २६ हजार ४७२ रुपैया रहेको छ । सहकारीले कूल कारोबार ५४ करोड ८९ लाख ५५ हजार ९९३ रुपैया ६७ पैसा रहेको छ ।
२०४८ सालमा भएको कर्मचारी आन्दोलनबाट नेपाल निजामति कर्मचारी संगठन मोरङले प्रारम्भ गरेको कल्याण कोष नै अहिले सहकारीको रुपमा सञ्चालन भएको हाे । २०५५ सालमा कोषमा १६ लाख जम्मा भएपछि, २०५५ साल सान ४ गते विधिवत रुपमा दर्ता भई सहकारी सञ्चालनमा आएकाे हाे ।
साधारणसभामा ६ जना डाक्टर, १ जना पिएचडी र ६ जना स्नाकोत्तर उत्तीर्ण गरेका सेयर सदस्यहरुलाई जनही पाँच हजार रुपैयाँ नगदसहित सम्मान गरिएको छ । यस्तै १४ जना प्लस टु उत्तिर्ण गरेका विद्यार्थीहरुलाई पुरस्कृत गरिएको छ ।
