निरज बस्नेत
विराटनगर, पुष १७
मेरो टोपी कैलाशको शिर जस्तो, हिमाली भीर जस्तो, कहिले पनि झुक्न नजान्ने, कहिले पनि लुक्न नमान्ने, मेरो टोपी…यो हरफ सहितको स्टाटस हाल्दै समग्रमा १० औं राष्ट्रिय ढाका टोपी दिवसको राम्रो म्यासेज सहितको शुभकामना विराटनगर तिनपैनी निवासी मनिस प्रितम निरौलाले दिएका छन् ।
युवा कलाकारको बेग्लै छवि बनाएका प्रितम अक्सर राजधानी काठमाडौंमै बस्छन् । तर, पनि आफु जन्मे, हुर्केको विराटनगरलाई हमेशा मिस गर्छन् । साथै प्रितमले अंग्रेजी नयाँ बर्षको समेत शुभकामना दिन भ्याए ।
यसै सन्दर्भमा , चुलाचुली गाउँपालिका निवासी पत्रकार सुरज पौडेलले पनि नेपाली ढाका टोपीको अवसरमा सवैलाई हार्दिकता पूर्वक शुभकामना व्यक्त गरेका छन् । यही मेसोमा पौडेलको आज अंग्रेजी नयाँ बर्षमा राम्रै रमाइलो गर्ने योजना पनि रहेको जानकारीमा आएको छ ।
विराटनगरका अधिकांश होटलहरु हिजो इभ न्यू इयरबाट नै भरिभराउ छन् । यो क्रम आज पनि चल्ने होटल संघ विराटनगरका सदस्य रविन्द्र झा ले जानकारी दिएँ ।
यता पर्यटकीय नगरी भेडेटारमा अंग्रेजी नयाँ बर्षकै मौकामा फुड फेष्टिवल हिजोबाट शुरु भएको छ । यो फुड फेष्टिवल भोली सम्म गरेर ३ दिन चल्ने साँगुरीगढी गाउँपालिकाका अध्यक्ष जितेन्द्र रुम्दालीले बताएँ ।
मूलतः नेपाली ढाका टोपी दिवस संसारभर छरिएर रहेका नेपालीहरुले मनाइरहेका छन् । विदेशी नागरिहरु समेत यो नेपाली ढाका टोपी शिरमा लाउँदा औधी रमाउने गरेको पाइएको छ ।
यता अंग्रेजी नयाँ बर्ष २०२३ गएराती १२ बजेबाट नै शुरु भइसकेको छ । यो नयाँ बर्ष पनि संसारभर मनाउने प्रचलन रहेको पाइन्छ ।
