राजेश शर्मा
बिराटनगर,भाद्र ४
पूर्वाञ्चल विश्वविद्यालय (पू.वि.) प्राध्यापक एवं कर्मचारी संघले विश्वविद्यालयका लागी उपकुलपति एवं रजिस्ट्रार बाहिरबाट नपठाउन सरकारलाई आग्रह गरेका छन् ।संघका केन्द्रिय समितिले आज बिराटनगरमा पत्रकार सम्मेलन गर्दै विश्वविद्यालयमा कार्यरत वरिष्ठ प्राध्यापकहरु मध्यबाटै नेतृत्व छानिनु पर्ने उनीहरुले माग गरेका समेत गरेका छन् ।
कार्यक्रममा बोल्दै कार्मचारी संघका सभापति राज कुमार सापकोटाले पू.वि. को २५ ओ बर्ष पूरा भइसके पनि नियुक्तिमा हुने राजनीतिक भागबण्डा कारण हालसम्म पू. बि भित्रैबाट कसैले नेतृत्व पाउन नसकेको गुनासो गरे ।
पूर्वाञ्चल विश्वविद्यालय प्राध्यापक संघका सभापति डा.सन्देशदास श्रेष्ठले बाहिरबाट आएको पदअधिकारीभन्दा पू वि भित्रकै प्रध्यापकलाई विश्वविद्यालयको बारेमा राम्रो ज्ञान हुने बताए । उनले भने “बाहिरबाट नियुक्ति भएर आएका पदाधिकारीलाई छ महिना त विश्वविद्यालयलाई बुझन नै लाग्छ, जो त्यो ठाउँको छ उसले मात्र त्यो ठाउँको मर्म र आवश्यकता बुझेको हुन्छ तै भएर पू. बि.का प्राध्यापकहरु मध्येबाटै विश्वविद्यालय संचालनको नेतृत्व दिनुपछ”
प्राध्यापक संघका पुर्ब सभापति दिनेशराज सुवेदीले पदाधिकारीहरु आर्थिक लेनदेनबाट नियुक्ति भएर आउने हुने भएकाले आएको रकम भन्दा बढी उठाउने चलखेलमा पदाधिकारीहरु भुलने गरेको आरोप लगाए ।
माग बिपरित पू. बि. भन्दा बाहिरबाट पदाधिकारी नियुक्ति गरिएको अवस्थामा उत्पन्न हुने परिस्थितिका जिम्मेवार सम्बन्धित निकाय स्वयम्को हुने बिज्ञप्तिमा चेतावनी दिईएको छ ।

ADVERTISEMENT