निरज बस्नेत
विराटनगर, पुष २०
फिदीम नगरपालिका–५ घुमाउनेटारमा आगलागी लागेको छ । गएराती लागेको आगलागीमा परी २ जनाको मृत्यु हुन पुग्यो । अन्य २ जना घाइते पनि हुनपुगे ।
स्थानीयवासी मेघबहादुर गुरुङको घरमा आगो लागेको बताइएको छ । राती १ः३५ बजे अचानक आगलागी भएको गुरुङ बताउँछन् । जसमा गुरुङकी बुहारी २३ बर्षिया आसाङसिं थेवे र २२ वर्षिया बर्षिया छोरी ममता गुरुङको आगोमा जलेर मृत्यु भएको हो । सो कुराको जानकारी जिल्ला प्रहरी कार्यालयका प्रहरी उपरिक्षक हरि खतिवडाले दिएँ ।
आगलागीमा परी मेघ गुरुङ र विजेन्द्र गुरुङ समेत सामान्य घाइते भएका छन् । र, अन्य ३ जना भने भाग्न सफल भई जोगिएका पनि छन् । आगलागीबाट घर पूर्णरुपमा क्षति भएको छ । यसवाट ५० लाख बराबरको क्षति भएको हुनसक्ने अनुमान छ ।
तस्विरः जितबहादुर भण्डारी, रासस
