निरज बस्नेत
विराटनगर, पुष २१
भारतीय मिडीयामा एक प्रकारको त्रास फैलिएको छ । यो त्रास नेपालको पोखरामा बनेको अन्तराष्ट्रिय विमानस्थलको कारणले बताइएको छ । यो समाचार यतिवेला भारतीय मिडीया आज–तकले प्राथमिकतामा राखेर प्रशारण गरिरहेको छ ।
चीन सरकारले उधारोमा बनाइदिएको भनी हल्ला पिटाउँदै भारतीय मिडीया दावी गर्छ, कालान्तरमा यो नेपालको लागि गलपासो बन्ने छ ।
चीनले यो पोखरा अन्तराष्ट्रिय विमानस्थल बनाउँन दिएको उधारोको रकम नेपालले जीवनभर तिर्न नसक्ने ठोकुवा उक्त मिडीयाको रहेको छ ।
भारतसँग निहुँ खोज्ने मनसायले नेपाललाई प्रयोग गर्दे यो पोखरा विमानस्थल नेपालमा बनाइएको उक्त च्यानलको दावी पनि रहेको समाचारमा जनाइएको छ ।
अन्ततः नेपाल सरकारले यो उधारो रकम तिर्न नसकी पोखरा विमानस्थलमा चीनले नै कब्जा गर्ने समेत आजतक बताउँछ ।
अहिलेको प्रचण्ड नेतृत्व सरकार झन् चीनसँगको विशेष साठगाँठमा नजिक रहेको जनाउँ दिदै यसलाई झन् चीनकै इसारामा प्रचण्डकै हातबाट १ जनवरीमा पोखरा विमानस्थल उद्घाटन गर्न चीनले नै लगाएको उक्त समाचारमा जनाइएको छ ।
