निरज बस्नेत
विराटनगर, पुष २१
हटकेक नायिका प्रियंका कार्कीकी सासु रविना देशराज श्रेष्ठ , उमेरले अहिले पूरा ५२ की भइन् । यो उमेरमा नेपालमा सामान्यतया महिलाहरु परपुरुषसँग प्रेम सम्वन्धमा रमाएको पाइदैन । तथापी प्रत्येक मान्छेको यो निजी जीवन जिउने कला हुनसक्छ । यसलाई अन्यथा पनि मान्न नसकिएला ।
तर, यहाँ एक सेलिब्रेटी बैंकरको छवि बनाएकी रविनाको प्रसंग रहेको अवस्था छ । यिनै रविना अहिले प्रेमी स्टुआर्ट अलेक्जेण्डरको प्रेममा पागल भएकी छिन् । यही प्रेमीसँगको असरल्ल फोटो अहिले सामाजिक संजालभरि यत्रतत्र छरिएका देखिन्छन् ।
मेगा बैंकको कायममुकाम कार्यकारी अधिकृत जस्तो लोभलाग्दो जागिर आज रविनाले यीनै प्रेमी स्टुआर्टको लागि तिलान्जली दिइसकेकी छिन् । जुन कतिपयलाई अस्वभाविक समेत लागेको छ । तर, जागिर छोड्ने मामला यो रविनाको नितान्त व्यक्तिगत कुरा होला । तथापी सेलिब्रेटी परिचय बनाएकी रविनालाई धेरैले पछ्याउँने गरेका छन् ।
रविनाको अल फ्यामेली मेम्वर नै पूरै सेलिब्रेटीहरुले प्याक रहेको पनि यथार्थ हो । रविनाले इन्स्टाग्राममार्फत ३२ बर्षको बैंकिङ करिअरबाट बाहिरीएपछि आफ्नो प्रेमी चिनाएकी थिइन् । यसबाट रविना औंधी रमाएको महसुस उनैबाट आएको थियो ।
रविनाले प्रेमी स्टुआर्टलाई भेटेपछि , कसरी माया बस्यो त्यो शब्दमा व्यक्त गर्न नसक्ने, भन्दै सवैलाई शुभकामना र आर्शीवाद दिन अनुरोध गरेकी छिन् । रविनाले प्रेमी स्टुआर्ट अलेक्जेण्डर च्याप्म्यानको इन्स्टाग्राममा मेन्सन गर्दे आई लभ यू लेखेकी छिन् । यसबाट दुवै प्रेममा लठ्ठीएको अनुमान गर्न सकिन्छ । साथै भविष्यमा विवाह बन्धनमा नै बाधिन पनि सक्लान् की…?
