निरज बस्नेत
विराटनगर, पुष २४
काठमाडौं महानगरपालिकाका नगर प्रमुख बालेन्द्र साह दम्पती मस्तीमा रमाइरहेका छन् । इण्डोनेसिया भ्रमणमा निस्केको यो दम्पती रमाइलो मुडमा देखिएको तस्वीर सामाजिक संजालभरि भाइरल भइरहेका छन् ।
काठमाडौं महानगरको काम बग्रेल्ती छोडी बालेन, श्रीमतीसहित परदेशमा रमाई–रमाई घुम्नुलाई नमच्चिने पिङको सय झड्काको संज्ञा दिई विश्लेषकहरुले टिप्पणी गरिरहेका छन् । प्रायः प्राय काठमाडौंवासीहरुको मन जितेर गएको स्थानीय चुनावमा काठमाडौं महानगरको मेयर बनेका बालेनलाई आज आएर यही मेयर पदको ज्यादा उन्माद चढेको धेरै काठमाडौंवासीहरुको टिप्पणी पनि रहदै आएको देखिन्छ ।
यावत् जनताको मागलाई सम्वोधन गर्ने यो महत्वपूर्ण समयमा पत्नी समेत लिएर इण्डोनेसिया हानिनुमा अधिकांशले नराम्रो मानेका छन् । हुन त यो बालेनको व्यक्तिगत मामला होला, कहीँकतै घुम्न जान पाउँनु पनि बालेनको व्यक्तिगत स्वतन्त्रताभित्र पर्ला ।
कसैलेपनि कसैको निजी जीवनमा दख्खल नजरअन्दाज गर्नुपनि हुन्न भन्ने फेरी अर्कोतर्फ बुझाई रहेको पाइन्छ । तथापि बालेन एक व्यक्ति नभएर संस्था हुन् । त्योपनि जनप्रतिनिधि हुन् ।
राजधानी काठमाडौंको मेयर भनेको वास्तवमैं कार्यकारी पोष्ट हो । फूल पावर हुने यो पदधारण गर्ने व्यक्ति आम जनतामा बढी फोकस हुनु नै पर्दछ । घुम्नु, रमाइलो गर्नुपर्छ । तर, कतिवेला …? प्रश्न जटिल बन्दैछ…बालेनको सवालमा…?
