निरज बस्नेत
बर्जु १, बर्जु, पुष २६
दिल बहादुर गुरुङ, विकासप्रेमी वडाअध्यक्ष हुन् । यसको लागि उनको कामकार्वाही हेरे पुग्छ । यस वडा नं. १ का आम जनता विकासप्रेमी वडाअध्यक्ष दिल बहादुर गुरुङको कार्यशैलीदेखी सन्तुष्ट व्यक्त गर्छन् ।
जनताको घर–घरमा गएर जनताको मन जित्न सामान्य कुरा हुदै हैन । यही असल कार्यशैलीकै कारण आज बर्जु १ का वडाअध्यक्ष चर्चित छन् ।
एमालेबाट वडाअध्यक्ष जितेपनि अन्य पार्टीका नेतागणसँग समेत गुरुङको मित्रता प्रगाढ छ । गुरुङको कार्यकक्षमा जाँदा गुरुङले गर्ने व्यवहार चित्तबुझ्दो पाइन्छ । मिजासिला फरासिला व्यक्तित्वका धनी यिनी अक्सर कुरा कम गर्छन् । जनताको तहमा पुग्ने सक्दो काम गर्नमा आफ्नो ध्यान हमेशा केन्द्रित गर्छन् । यही राम्रो असल परिपाटीले आज यिनको चर्चा वडाभरि जताततै चलेको राम्रै छ ।
गाउँपालिका अध्यक्ष जीवच्छ कुमार रायसँगको राम्रो सम्वन्धले यिनलाई वडामा काम गर्न झन् सजिलो भएको छ । हुन त वडाअध्यक्ष गुरुङको सम्वन्ध कार्यपालिकाका सवैसँग राम्रो नै रहेको छ ।
त्यस्तैगरी वडा नं. ३ र ६ का समकक्षी वडाअध्यक्षद्दयसँग पनि राम्रो मित्रता रहेको छ । यी दुवै वार्डमा, वार्ड प्रमुख कांग्रेस कोटाबाट निर्वाचित छन् ।
बर्जु गाउँपालिका कार्यपालिकामा एमालेको मेजरिटी भएकै कारण , गुरुङ लगायत सिंगो गाउँपालिकालाई जनताको तहमा काम गर्ने सजिलो नै देखिन्छ ।
अन्तमाः कारण जे–जसतो भएतापनि सेवाग्राहीप्रतिको दृढ विश्वासमा यिनी अटल छन् । आएको गर्न सक्ने काम फत्ते गर्ने यही राम्रो आदत नै गुरुङको सफलताको राज हो । आगामी दिनमा यिनको यस्तै कामकार्वाहीले निरन्तरता पाओस् ।
