१२ बैशाख २०८१, बुधबार
24-04-2024 , Wed

पोखरामा यति एयरलाइन्सको विमान दुर्घटना

Logo
प्रकाशित आइतबार, माघ ०१, २०७९

निरज बस्नेत
काठमाडाैं, माघ १
यति एयरलाइन्सको विमान आइतबार विहान ११ बजे पोखरामा दुर्घटना भएको छ । काठमाडौंबाट उडेको यतिको एटिआर–७२ विमान पोखरा अन्तर्राष्ट्रिय विमानस्थलमा अवतरण हुनुअघि नयाँगाउँमा दुर्घटनामा परेको हो ।

सो विमान वरिष्ठ क्याप्टेन कमल केसीले उडाएका थिए । ६८ जना यात्रु र ४ जना चालक दलका सदस्यसहित पोखरा उडेको विमान सेती नदी खोंचमा दुर्घटना भएको हो । ६८ यात्रुमध्ये ३ जना शिशु तथा बालबालिका समेत रहेका छन् ।

दुर्घटनाग्रस्त विमानमा पाँच भारतीयसहित १५ विदेशी नागरिक सवार रहेको खुलेको छ । साथै ५३ नेपाली यात्रु रहेको जानकारी प्राप्त भएको छ ।

दुर्घटनामा पर्नेमा भारतका ५ जना, रसियाका ४ जना, कोरियाका २ जना, आयरल्याण्डका १ , अर्जेन्टिनाका १, अष्ट्रेलिया १ र फ्रान्सका १ जना नागरिक रहेका छन् । दुर्घटना स्थलबाट शव निकाल्ने कार्य जारी छ ।

नयाँ अन्तर्राष्ट्रिय विमानस्थलमा अवतरण गर्ने पहिलाे विमान

दुर्घटनामा परेको उक्त विमान पोखराको नयाँ अन्तर्राष्ट्रिय विमानस्थलमा अवतरण गर्ने पहिलो विमान थियो । वरिष्ठ क्यापटेन कमल केसीलेनै पुस ७ गते यही विमानबाट पोखरा अन्तर्राष्ट्रिय विमानस्थलमा पहिलो डेमो उडान गरेका थिए ।

कमेन्ट गर्नुहोस्
सम्बन्धित

काठमाडौं ,१० बैशाख ।  क्रिकेटर सन्दीप लामिछानेले आफूविरुद्धको मुद्दामा जिल्ला अदालत काठमाडौंको फैसलामाथि गरेको पुनरावेदनमा आज उच्च अदालत पाटनमा पेसी तोकिएको छ । अघिल्लो पटक गत वैशाख ३ गतेको सुनुवाइमा न्यायाधीशले वडाबाट एउटा कागजात मगाउने आदेश दिएर फैसला टारिदिएका लामिछाने पक्षको बुझाई छ । त्यसबेला अदालतले गौशाला २६ ले जन्मदर्तामा जन्ममिति सच्याउन दिएको निवेदन झिकाउन आदेश […]

काठमाडौँ ,१० बैशाख ।  नेपाल कम्युनिष्ट पार्टी (नेकपा) स्थापनाको आज ७५ वर्ष पूरा भएको छ । नेपालमा तत्कालीन समयमा जहाँनीया राणा शासन कायम भएकाले सो को विरोधमा छिमेकी राष्ट्र भारतमा भूमिगत भई जनताको मुक्तिका पक्षमा राजनीति र अध्ययन गर्दै आएका नेपाली युवाको सक्रियतामा नेकपा को स्थापना भएको थियो । त्यसबेला भारतको कोलकातामा रहेका पुष्पलाल श्रेष्ठले […]

विराटनगर , बैशाख ९  विराटनगरमा सस्तो अनि मिठो मटन सेकुवाको खोजीमा हुनुहुन्छ ? यदि हो भने, कहाँ जाने त ? जाने चाँही, विराटनगरको रेन्बाे-गल्लीमा रहेको “द हेभेन क्याफे एण्ड बार” मा नै हो । यँहा खसीको सेकुवा रु ३०० प्रति प्लेटमा उपलब्ध भइरहेको छ । सो कुराको जानकारी यस द हेभेन बारका संचालक अमित कर्णले […]