निरज बस्नेत,

विराटनगर, माघ १०
अख्तियार दुरुपयोग अनुशन्धान आयोगको फन्दामा विराटनगरका वरिष्ठ चिकित्सकद्दय ज्ञानेन्द्र गिरी एवं ज्ञानेन्द्रमानसिह कार्की परेका छन् ।

ADVERTISEMENT

विपी कोइराला स्वास्थ्य विज्ञान प्रतिष्ठानका उपकुलपति डा. ज्ञानेन्द्र गिरीलाई भ्रष्टाचार विरुद्द मुद्दा दायर गरेकोमा गिरीलाई जोगाउँन मतियार बनेको आरोपमा अर्का डा. ज्ञानेन्द्रमानसिंह कार्की विरुद्द समेत मुद्दा दर्ता गरेको छ ।

दुवै वरिष्ठ डाक्टर विरुद्द अख्तियारले सोमवार विशेष अदालतमा मुद्दा दर्ता गरेको हो ।

अख्तियारको अभियोगपत्रमा गिरीले पदीय र सोही मर्यादा अनुसार अनुशन्धान हुँदा आधिकारिक निकायबाट पदको दुरुपयोग गरेको दाबी सहित मुद्दा दर्ता भएको हो । यता कार्कीलाई, गिरीलाई सघाउ पुर्याउने काममा मतियार बनेको आरोप छ ।

विपी कोइराला स्वास्थ्य विज्ञान प्रतिष्ठानका उपकुलपति डा. ज्ञानेन्द्र गिरीले नपाएको ओहोदा पाए भनी पदीय मर्यादा विपरित कार्य गरेको भन्ने उजुरी निवेदन सम्वन्धमा अनुशन्धान हुँदा डा. ज्ञानेन्द्र गिरीले बदनियतसाथ कुनैपनि आधिकारिक निकायबाट प्राप्त नगरेको नपाएको ओहोदा पाएँ भनी अरुले विश्वास गर्ने गरी प्रोफेसर पद प्रयोग गरी देखिएको र निजले गरेको उक्त कार्य भ्रष्टाचार निवारण ऐन २०५९ को दफा १५ बमोजिमको कसुरमा सोही ऐनको दफा १५ बमोजिम सजाय हुन र सोही ऐनको दफा २४ बमोजिमको थप सजाय समेतको माग दावी लिइएको छ ।

यता मतियारको भूमिका रहेको देखिएको हुनाले कार्कीलाई समेत भ्रष्टाचार निवारण ऐन २०५९ को दफा २२ बमोजिमको कसुरमा सोही ऐनको दफा २२ बमोजिमको कसुरमा सजाय हुन माग दाबी लिई अख्तियार दुरुपयोग अनुशन्धान आयोग ऐन २०४८ को दफा १८ र ३५ एवं भ्रष्टाचार निवारण ऐन २०५९ को दफा ३६ बमोजिम विशेष अदालत, काठमाडौंमा आरोप पत्र दायर गरिएको छ ।