निरज बस्नेत
विराटनगर, माघ १६
विराटनगर स्थायी घर भएका युवा समाजसेवी चाँद बाबु ईराकी सवैको रोजाइको प्रिय मान्छे हो भन्दा शतप्रतिशत सही भनेको हुन्छ । नाम जस्तै यिनको काममा पनि चमक झल्किन्छ ।
यिनै ईराकी भारतको हरियाणामा सम्पन्न अन्तराष्ट्रिय युवा विकास कन्क्लेभमा विराटनगरका उदयमान अतिथी वक्ताका रुपमा प्रतिनिधित्व गरी हालसालै नेपाल फर्किएका छन् ।
नेपालको शान विदेशी भूमिमा समेत चाँदको योग्यताको उच्च कदर भएको छ । कार्यक्रममा युवाहरुको क्षमता विकास , युवाहरुमा भातृत्वको भावनाको विकास गराउँनु, युवाद्दारा संचालित संस्थाहरुको क्षमता विकास गर्ने उद्देश्यले कार्यक्रमको आयोजना गरिएको थियो ।
यता विराटनगरमा रहेर पनि चाँदको सोसल सेक्टरमा अतुलनीय योगदान रहेको छ । उक्त कार्यक्रममा अमेरिका, मलेसिया, भारत, र नेपालका प्रतिनिधिहरुको सहभागिता रहेको थियो । यसअघि ईराकी कतारमा सम्मानित भएर नै आएको सवैमा सर्वविदितै रहेको छ ।
कार्यक्रममा दिगो विकासका लक्ष्य प्राप्तिका लागि आगामी कार्यक्रमलाई अझ वृहत बनाउँदै राष्ट्रिय, क्षेत्रीय तथा अन्तराष्ट्रिय तहसम्म नेतृत्व क्षमताको विकास गर्दे युवाहरुको सहभागितामा बढोत्तरी गर्दे अघि बढ्नु रहेको थियो । थुप्रै संघसंसथामा आवद्दता रहेर ईराकीले आफ्नो ठाउँ, समाजको लागि बेग्लै किसिमको योगदान दिएका छन् ।
नेपालबाट प्रतिनिधित्व गरेका उदयमान युवा ईराकीलाई उक्त कार्यक्रममा उनले युवाका क्षेत्रमा गरेका कामहरु, दिएका निरन्तरता र युवाको विकासका लागि गरेको गतिविधि प्रति सम्मान व्यक्त गर्दे सम्मानित गरिएको थियो । यस्ता सम्मान त ईराकीले आजसम्म नेपाल लगायत विश्वका अन्य धेरै राष्ट्रमा पाइसकेका पनि छन् ।
उक्त कार्यक्रममा आफ्नो धारणा राख्ने क्रममा ईराकीले युवामा आएको नैराश्यतालाई कम गर्न सवैमिली अघि बढ्नुपर्ने , डिप्रेसनको अवस्थामा रहेका युवाहरुलाई निकाल्नका लागि युवामुखी कार्यक्रम गर्दे अघि बढ्नुपर्ने बताएँ । सँगै परिवारले, शिक्षकले र समाजले युवाका समस्यालाई बुझेर अघि बढ्नुपर्नेमा जोड दिएका छन् ।
