निरज बस्नेत
विराटनगर, फागुन ९
चीनबाट अन्तराष्ट्रिय सम्वन्धमा विद्यावारिधीधारी डा. रुपक सापकोटा प्रधानमन्त्री पुष्पकमल दाहाल प्रचण्डका परराष्ट्र सल्लाहकारमा नियुक्ति भएका छन् । मंगलवार सार्वजनिक विदा परेका कारण सापकोटाले बुधवार आफ्नो कार्यभार सम्हाल्नेछन् ।
सापकोटा यसअघि परराष्ट्र मामिला अध्ययन प्रतिष्ठानका उप–कार्यकारी निर्देशक थिँए । सापकोटा पूर्व सभामुख अग्नि प्रसाद सापकोटाका छोरा हुन् । यहाँनीर कृपावाद देखिएको कतिपयले टिप्पणी गरेका छन् ।
डा. सापकोटाले बेइजिङको रनमिन विश्वविद्यालयवाट विद्यावारिधी गरेका हुन् । चिनीयाँ भाषाको समेत उनमा राम्रो ज्ञान छ ।
