निरज बस्नेत
विराटनगर, फागुन २४
मातृभुमि फाउण्डेशनको आयोजनामा विराटनगरमा महिला दौंड प्रतियोगिता सम्पन्न भएको छ । सो कुराको जानकारी फाउण्डेसनका प्रेसिडेन्ट चाँदवावु इराकीले गराएका छन् ।
इराकीका अनुसार अन्तराष्ट्रिय नारी दिवसका अवसरमा उक्त कार्यक्रम गरिएको हो । विराटनगरमा रहेर इराकीले यस्ता थुप्रै उपलब्धिमूलक कार्यक्रम आयोजना गर्दे आइरहेका छन् ।
कार्यक्रमका प्रमुख अतिथि विराटनगर महानगरपालिकाका मेयर नागेश कोइराला रहेका थिँए । मेयर कोइरालाले कार्यक्रमलाई सम्वोधन गर्दे, नारीलाई ३३ प्रतिशत अधिकारमा मात्र सिमित राख्नु नै गलत भएको भन्दै आगामी दिनमा महिला स्वंयम्ले आफ्नो हक अधिकारका लागि अग्रसर हुनुपर्ने बताएँ ।
त्यस्तैगरी कार्यक्रमको सभापतित्व आयोजक संस्था मातृभुमि फउण्डेसनका प्रसिडेन्ट इराकीले गरेका थिँए । कार्यक्रका सम्वन्धमा उनले प्रष्ट पारेका थिँए ।
कार्यक्रममा समाजका अन्य गन्यमान्य महानुभावहरुको राम्रै उपस्थिती रहेको थियो । यस लेडी रोड रन प्रतियोगितामा दर्जनौं महिलाहरुको सहभागिता रह्यो ।
कार्यक्रममा प्रथम, द्दितीय, तृतीय, चौथो हुनेलाई नगद पुरस्कार सहितको सम्मान गरियो । सहभागी अन्य सवैलाई स–सम्मान सर्टिफिकेट प्रदान समेत गरियो ।
