निरज बस्नेत
विराटनगर, चैत्र १६
विराटनगरको प्रतिष्ठित श्री पोखरीया माध्यमिक विद्यालयमा विहीवार अभिमुखिकरण तथा विदाई कार्यक्रम सम्पन्न भएको छ ।
विद्यालयमा अध्ययनरत कक्षा–१२ का ३६२ विद्यार्थीलाई स–सम्मान विदाई कार्यक्रम राखिएको कुरा उक्त विद्यालयका प्रिन्सिपल खेमराज भट्टराईले जानकारी गराएका छन् ।
विद्यालय प्रांगण पोखरीयामा भएको उक्त कार्यक्रमका प्रमुख अतिथि शिक्षा विकास तथा समन्वय इकाइ मोरङका टंकप्रसाद गौतम रहेका थिँए । गौतमले पोखरीया विद्यालय सामुदायिक विद्यालयतर्फ नै अव्वल रहेको र विराटनगरको शैक्षिक हवको रुपमा विकसित हुदै गएको प्रति खुशि व्यक्त गरे ।
अतिथिहरुमा, नोवेल अस्पताल विराटनगरका निर्देशक डा. राजेश नेपाल, पूर्वान्चल विश्वविद्यालयका पूर्व क्याम्पस प्रमुख तीर्थ सापकोटा, एनआईसी एसिया बैंक विराटनगरका शाखा प्रमुख अंकित रेग्मी लगायत रहेका थिँए ।
अतिथि नेपालले कार्यक्रममा आफ्नो धारणा राख्ने क्रममा मेडिसिन विषय इच्छाशक्ति भए हरकोही विद्यार्थीले पढ्न सक्ने र डाक्टर समेत हुने बताए ।
अतिथि सापकोटाले मध्यम वर्गले पनि प्राविधिक शिक्षा पढ्न चाँहदा इन्जिनियर विषय ठिक हुने धारणा राखे ।
त्यस्तैगरी अतिथिमध्येका अर्का रेग्मीले सवैभन्दा राम्रो विषय व्यवस्थापन भएको भन्दै व्यवस्थापनले मात्र हरेक संघसंस्था मध्यम वर्गको लागि उत्तम हुने बताए ।
कार्यक्रमको सभापतित्व विद्यालय व्यवस्थापन समितिका अध्यक्ष कृष्ण प्रसाद गौतमले गरेका थिँए ।
विद्यार्थीका तर्फबाट कक्षा–११ की छात्रा पूर्णिमा साहले आफ्नो भनाई राखिन् । उक्त भनाईमा साहले भविष्यमा योग्य नागरिक भई देशकै लागि केही गर्ने बताइन् ।
स्वागत् भाषण विद्यालयका प्रिन्सिपल खेमराज भट्टराइले गरेका थिँए । प्रिन्सिपल भट्टराई वि.सं. २०६९ सालदेखी प्रिन्सिपलको रुपमा कार्यरत छन् । वि.स. २०५३ देखी पोखरीया विद्यालयमा कार्य प्रारम्भ भट्टाराईले गरेका हुन् । वि.स. २०७० सालदेखी अंग्रेजी माध्यमबाट पढाई शुरु हुन थालेको हो ।
