निरज बस्नेत
विराटनगर, चैत्र १७
विराटनगरमा शनिवार (भोली) अहिंसाका लागि म्याराथन दौंड हुने भएको छ । सो कुराको जानकारी जीतो लेडिज विंग विराटनगरकी अध्यक्ष सन्तोष जैनले दिएकी छिन् ।
अध्यक्ष जैनका अनुसार स्थानीय जैन भवनबाट उक्त दौंड शुरु हुनेछ । विराटनगरमा शुक्रवार आयोजित पत्रकार सम्मेलनमा अध्यक्ष जैनले सो को वारेमा बताइन् ।
दौंडमा महिला–पुरुष गरेर ४५० को सहभागिता रहनेछ । यो ऐतिहासिक म्याराथान दौंड विराटनगरमा मात्र नभएर विश्वभरका २३ मुलुकका ५५ शहरमा एकसाथ आयोजना हुदैछ ।
विराटनगरको दौंडमा सहभागीले ३, ५ र १० किमीको दूरी तय गर्नुपर्ने हुन्छ । प्रतियोगिताको १० किमी दौंडमा प्रथम हुने महिला–पुरुषलाई २१ हजार क्यास प्राइज छ । ५ किमीमा प्रथम हुने महिला–पुरुषलाई ११ हजार पुरस्कार प्रदान गरिनेछ ।
त्यस्तैगरी ३ किमीको दूरी तय गर्नेलाई समेत आकर्षक पुरस्कारको व्यवस्था गरिएको छ । एकैसाथ शुरु हुने दौंडमा लामो दूरी १० किमीमा ४५ जना, ५ किमीमा १६५ जना तथा ३ किमी दौंडका लागि २३० जनाको नाम रजिष्टर गरेको कुरा आयोजकले जनाएको छ ।
