निरज बस्नेत
विराटनगर, वैशाख ६
विराटनगरमा सुर्तीजन्य पदार्थको कालोबजारी शुरु भएको छ । विराटनगर महानगरपालिकाले वैशाख १ गते देखि लागु हुने गरी नगरक्षेत्रको सार्वजनिकस्थानमा सुर्तीजन्य पदार्थ खरिद तथा बिक्रिमा बन्देज लगाएपछि व्यापारीहरुले लुकाईछिपाई कारोबार गर्न थालेका छन् ।
अहिले सार्वजनिक स्थानमा २० प्रतिशतभन्दा माथि मुल्यवृद्धि गरेर व्यापारीहरु सुर्तिजन्य पदार्थ बेचबिखन गरिरहेको पाईएको छ । सामान्यता ४५ रुपैयाँ पर्ने रजनिगन्धा र तुलसी सेट अहिले ६० रुपैयाँ पुगेको छ । भोला गुड्खा ६ रुपैयाँबाट १० रुपैयाँ भएको छ ।
त्यसै गरी मडुवा खैनी पनि प्रति प्याकेटमा ५० प्रतिशतले मुल्य बढाएर बेचबिखन गरिरहेको छन् । चुरोट सूर्य २०, शेखर १५ रहेको मा प्रति खिल्लीमा १०/१० रुपैयाँ बढाईएको छ ।
रिक्स भएकाले समानको मुल्य बढाएर बेच्न बाध्य भएको व्यापारी बताउछन् । परिचय नखोल्ने शर्तमा एक व्यापारीले भने ”जनताको डिमाण्ड छ, बेच्नै पर्यो । तर प्रशासनले पक्रने रिक्स भएकाले मुल्य बढाएर बेच्नु परको हो ।”
