विराटनगर
विराटनगरमा उद्योग संगठन मोरङको ५०औं बार्षिक साधारणसभाको समुद्घाटन सम्पन्न भएको छ । समुद्घाटन समारोहलाई वर्तमान अध्यक्ष सुयस प्याकुरेलले स्वागत मन्तव्यसहित सम्वोधन गरेका थिँए ।
कार्यक्रमका प्रमुख अतिथि नेपाल सरकारका उद्योग वाणिज्य तथा आपूर्ति मन्त्री रमेश रिजाल रहेका थिँए । उक्त कार्यक्रममा आफ्नो छोटो मन्तव्य राख्ने क्रममा मन्त्री रिजालले उद्योगीको समस्या भनेको राष्ट्रको समस्या भएकाे बताए । यसक्रममा आइपर्ने सवैखाले समस्या समाधान गर्न नेपाल सरकार प्रतिवद्द रहने जानकारी गराएका थिँए । साथै बार्षिक साधारणसभाको सफलताको शुभकामना दिएका थिँए ।
कार्यक्रममा रास्वपाका नेता तथा प्रतिनिभि सभाका सदस्य मनिस झा, विराटनगर महानगरपालिकाका मेयर नागेश कोइराला लगायत समाजका अन्य गन्यमान्य मानिसहरु लगायत धेरै व्यवसायीको उपस्थिती रहेको थियो ।
कार्यक्रममा वर्तमान अध्यक्ष सुयस प्याकुरेलको कार्यकालमा सहयोगी भूमिका निर्वाह गर्नेलाई मायाको चिनो प्रदान गरिएको थिँयो । विराटनगरका सफल व्यवसायी राकेश सुरानासहितको टिम अव उद्योग संगठन मोरङको नेतृत्व हाक्न आउने लगभग पक्का छ ।
