विराटनगर, जेठ ५
नेपाल सरकारको नीति तथा कार्यक्रम शुक्रवार प्रतिनिधि सभा भवनमा राष्ट्रपति रामचन्द्र पौंडेलले वाचन गरे । वाचनका क्रममा, राष्ट्रिय परिचय पत्रलाई उच्च प्राथमिकतामा राखियो ।
र, भनियो अवदेखी, बैंक खाता खोल्दा, सवारी लाइसेन्स बनाउँदा, लालपूर्जा जारी गर्दा, स्थायी लेखा नम्वर लिदा राष्ट्रिय परिचय पत्र अनिवार्यता गरियो । यो कार्य आगामी ३ बर्षभित्रमा लागू हुने जनाइएको छ । नागरिकको जैविक विवरण एकपटक मात्र लिने पनि सरकारले बताएको छ ।
यसको मतलव अव के नेपाली नागरिकताको प्रमाणपत्र रद्दीको टोकरीमा फाल्दिदा भयो त…? यो प्रश्न जनजनको हो ।
राष्ट्रिय परिचयपत्र छपाइका क्रममा ठूलो आर्थिक चलखेलको प्रशष्तै चर्चा पनि जताततै चलिनैरहेको छ । एकातिर भनिदैछ, आर्थिक मन्दी अनि अर्कोतर्फ राष्ट्रिय परिचयपत्र छपाइमै घोटाला हुन्छ । यस्तो त अत्ति नै भयो । यसमा त अव जनता चुप लागेर पनि नबस्लान् । अनि फेरी नेपाली नागरिताको प्रमाणपत्र हुँदाहुँदै किन चाहीयो , यो राष्ट्रिय परिचय पत्र ? अनि फेरी भोली भनिएला अर्को नेपाल परिचयपत्र ? यसरी त मुलुक धराशय बन्ला ?
यससम्वन्धमा सरकारमा रहेका जिम्मेवार व्यक्तिहरु नै अनभिज्ञता प्रकट गर्छन् । कतिपयलाई फोनमा यो प्रश्न सोध्दा कुरै बुझिएन , पछि कुरा गरौ ल समेत भन्न भ्याए । अर्कोतर्फ कतिपयले चाँही नाम नबताउँने शर्तमा यो सवै कमिशनको चक्कर हो । नेपाली नागरिताको प्रमाणपत्रको अव केही काम छैन समेत भने ।
यता समाजका कतिपय बौद्दिक सर्कलका महानुभावहरुको यसमा गम्भिर आपत्ति समेत रहेको पाइयो । नागरिकता भन्ने त आजीवन हुनुपर्छ । राज्यको ढुकुटी कमिशनको लोभमा यत्तिसारो ब्रम्ह्लुट गर्ने छुट त कसैलाई छैन ।
जनताको स्तरबाट राष्ट्रियताको सवालमा धेरै नै चिन्ता अनि चासो पाइन्छ । यथार्थततामा सरोकारवाला निकाय भने चाँही, जे मा पनि नीतिगत भ्रष्टाचारमा र्चुलुम्म डुबेका छन् । दिनप्रतिदिन आज मुलुक टाट पल्टिने क्रममै पुग्दैछ । अझैपनि मौका गएको छैन । भनिन्छ , ताल परेमा बगेको खोला त फर्काउँन सकिन्छ ।
हामी आ–आफ्नो ठाउँबाट सवैले राज्य बनाउँनमा योगदान गरेमा यो मुलुक समृद्द हुन केही बेर पनि लाग्नेछैन । अतः यस्ता झिना–मसिना कुरामा रुमल्लिनुभन्दा समय सापेक्ष तवरले बोल्ड डिसिजन लिनुनै देशको हितमा हुनजान्छ ।
प्रसंग राष्ट्रिय परिचयपत्रको आएतापनि, यसलाई हलुका रुपमा लिनुहुन्न । ठीक छ ,राष्ट्रिय परिचय पत्रले कतिपय राम्रो काम पनि भविष्यमा गर्ला । तरपनि यसमा कमिशनको गन्धले राम्रो कामलाई पनि धूमिल नपार्ला यसै भन्न नसकिएला..?
समयमानै नेपाल सरकारको घैंटोमा कोनी के जाति ….लागोस् ।
