चितवन, भाद्र ८
अहिलेको चर्चित बहस हो, संचारकर्मी रवि लामेछाने पक्राउ प्रकरण ।
आत्महत्या दुरुत्साहन आरोपमा पक्राउ परेका लामिछाने सहित तीनजनालाई अनुसन्धान गर्न भनी प्रहरीलाई चितवन अदालतले दिएको दोस्रो पटकको पाँच दिने म्याद शनिवार सकिएको छ ।
म्याद सकिएका कारण आइतबार (आज) उनीहरुलाई फेरि प्रहरीले अदालतमा उपस्थित गराउदै छ । अनुशन्धान बाँकी रहेमा फेरि म्याद थप हुने र पुरा भईसकेमा मुद्दा दायर हुने अदालती प्रक्रिया छ ।
अदालतबाट म्याद थप्दै अधिक्तम २५ दिनसम्म अभियुक्तलाई हिरासतमा राखी प्रहरीले अनुसन्धान गर्न पाउने कानुनी प्रवधान छ । सो प्रावधान अनुरुप, अनुसन्धान बाँकी रहेमा प्रहरीले अदालतको स्वीकृती लिई थप १५ दिनसम्म रविलाई हिरासतमा राखी अनुसन्धान गर्न पाउने छ । वा अनुसन्धान पुरा भईसकेमा मुद्दा दायर गर्नुपर्ने हुन्छ । आज भने रविको विरुद्ध मुद्दा दायर गरिने सम्भावना बढी रहेको स्रोत बताउछ ।
मुद्दा दायर भए लगतै अभियुक्तलाई थुनामा राखेर अनुसान्धान गर्ने वा सधारण तारिखमा छोडेर अनुसन्धानलाई अघि बढाउने भन्ने विषयमा थुनछेकको बहस हुनेछ । उक्त बहस एक दिनभन्दा लामो समेत हुन सक्दछ ।
उक्त बहसले नै रविलाई साधरण तारेखा, धरौटीमा छोड्ने वा पुर्पक्षका लागी जेल चलान गर्ने भन्ने विषयमा आदेश गर्दछ । हालसम्मको अदालती नजर हेर्दा यस्ता प्रकृतीका गम्भीर मुद्दामा अभियुक्तहरुलाई प्राय जेल चलान गरी मुद्दा अघि बढाईएको पाईन्छ ।
मुद्दाको फैसाला हुन भने सामान्यता दुई देखि तिन वर्षसम्म लाग्ने गर्दछ ।
