०६ मंसिर २०८३, शनिबार
21-11-2026 , Sat
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

स्वर्ण जयन्तीको भव्य तयारी गर्दे अतिथि सदन

सेवा ही परमो धर्म मान्ने अतिथि सदनको स्वर्ण जयन्ती भव्य हुने अध्यक्ष दिनेश गोल्छाले बताएका छन् ।
Logo
निरज बस्नेत

विराटनगर
विराटनगरको मुटु मेनरोडमा रहेको प्रतिष्ठित सामाजिक संस्था अतिथि सदनको स्वर्ण जयन्ती आउँदो १६ असारमा भव्य हुदैछ । सेवा ही परमो धर्म मान्ने अतिथि सदनको स्वर्ण जयन्ती भव्य हुने अध्यक्ष दिनेश गोल्छाले बताएका छन् । स्वर्ण जयन्तीको मुख्य कार्यक्रम आउँदो १६ असारमा भव्य अनि सव्य हुनेछ ।

स्वर्ण जयन्ती समारोहका प्रमुख संयोजकमा सुशील धनावतलाई तोकिएको छ । विराटनगरको एक प्रतिष्ठित सामाजिक संस्थाको रुपमा विगत ५२ बर्षअघिदेखी स्थापित अतिथि सदनको स्वर्ण जयन्तीमा विविध कार्यक्रम हुने अध्यक्ष गोल्छा बताउँछन् ।

सो सम्वन्धमा सदनको सचिवालयमा बुधवार जानकारी दिने क्रममा गोल्छाले भने, हुन त हामीले यो कार्यक्रम २ बर्षअघिनै गर्नुपर्ने थियो । तर, कोभिडका कारण ढिला भएको बताएँ ।

यस अवसरमा आँखा जाँच शिविर आउँदो जेठ १३ गते शनिवार हुदैछ । यसका संयोजकमा जितेन्द्र राठी रहेका छन् । उक्त शिविरमा आँखा जाँचका साथै औषधी वितरण एवं आवश्यक परेको खण्डमा अप्रेशन समेत गरिने जनाइएको छ ।

त्यस्तैगरी १७ जेठमा रक्तदान कार्यक्रम हुनेछ । रक्तदान कार्यक्रमका संयोजकमा संजय दुगड रहेका छन् । दुगडका अनुसार रक्तदान कार्यक्रम विहान ८ बजे अतिथि सदनमानै हुनेछ ।

यही दिन होमियोपैथी मेडिकल शिविर पनि चल्नेछ । यसको संयोजकमा घनश्याम राठी रहेका छन् । राठीका अनुसारमा यस दिन २ जना डाक्टरसहितको टिमले उपचार गर्नेछन् । आएका विरामीलाई औषधीको पनि प्रबन्ध मिलाइएको छ ।

यसै दिनबाट हामियोपैथीको उपचार प्रत्येक मंगलवार अतिथि सदनबाटनै गरिने कुराको जानकारी गराइयो । यी सवै कार्यक्रम अतिथि सदनमानै हुनेछन् ।

अतिथि सदन बाहिर एउटा महत्वपूर्ण कार्यक्रम हुनेछ । जुन कार्यक्रम १६ असारमा झोराहाटमा रहेको जनकल्याण विद्यालयमा हुनेछ । ३ सय विद्यार्थीलाई पाठ्यसामाग्री प्रदान गरिनेछ । यस कार्यक्रमका संयोजकमा सुधीर कुमार अग्रवाललाई तोकिएको छ ।

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]