आँखा शिविरमा आँखा जाँच गर्दे चिकित्सक
विराटनगर, १३
विराटनगरको प्रतिष्ठित सामाजिक संस्था अतिथि सदनमा शनिवार आँखा शिविर कार्यक्रम सम्पन्न भएको छ । अतिथि सदनको स्वर्ण जयन्तीको अवसरमा उक्त कार्यक्रम गरिएको आँखा शिविर कार्यक्रमका संयोजक जितेन्द्र कुमार राठीले बताएँ ।
सो अवसरमा १८४ जनाले निःशुल्क आँखा परिक्षण गराएको कुरा संयोजक राठीले जानकारी दिएका छन् । यी मध्ये ३८ जनाकोनिःशुल्क आँखाको शल्यक्रिया समेत भएको छ ।
यसक्रममा, रामलाल गोल्छा आँखा अस्पताल, विराटनगर महानगर तथा अतिथि सदनको संयुक्त आयोजना रहेको कुरा संयोजक राठीले बताएका छन् ।
कार्यक्रममा अतिथि सदनका अध्यक्ष दिनेश गोल्छा, सचिव ललित कुमार लोहिया, सहसचिव कृष्ण कुमार शर्माको उपस्थिती रह्यो । त्यस्तैगरी स्वर्ण जयन्ती समारोह समितिका सचिव संजय दुगड, का.का. समिति सदस्य राम अवतार अग्रवाल, अशोक कुमार अग्रवाल, विमल कुमार अग्रवाल, निवर्तमान अध्यक्ष नन्द किशोर राठी, वडा सदस्य जितेन्द्र कुमार अग्रवाल लगायतको पनि कार्यक्रममा उपस्थिती रहेको थियो । यता महानगरको प्रतिनिधिका रुपमा रेखा राजभण्डारीको पनि उपस्थिती देखियो ।
