चितवन, भाद्र ९
जिल्ला अदालत, चितवन आसपासको क्षेत्रमा आज पाँच जना बढी व्यक्तिको समूह बनाई हिड्न निषेध गरिएको छ । जिल्ला प्रशासन कार्यालय चितवनले आज विहान ६ बजेवाट जारी हुने गरी उक्त क्षेत्रमा निषेधाज्ञा जारी गरेको हो ।
संचारकर्मी रवि लामेछानेसहित तीन जनाविरुद्ध परेको मुद्दामा आज थुनछेकको बहस हुदैछ । रविका समर्थकले हुलदंगा मच्चाउन सक्ने संभावनालाई मध्यनजर गर्दै प्रशासनले निषेधाज्ञा जारी गरेको हो ।
आइतबार लामिछानेलाई अदालतबाट जिल्ला प्रहरी कार्यालयको हिरासतमा लैजाने क्रममा प्रदर्शनकारीले प्रहरीमाथि बोतल हानेका थिए ।
कहाँ कहाँ छ निषेधाज्ञा
– पूर्वतर्फ बाइपास सडकतर्फ आन्तरिक राजश्व कायर्मलयको चोकदेखि घरेलु कार्यालयको चोकसम्म
– पश्चिमतर्फ लोकमार्गको सप्तगण्डकी अस्पताल चोकदेखि चौबिसकोठी चोकसम्म
– उत्तरतर्फ बाइपास सडकको अन्तरिक राजश्व कार्यालय चोकदेखि भरतपुर अस्पताल हुँदै पूर्वपश्चिम लोकमार्गको चौबिसकोठी चोकसम्म
– दक्षिणतर्फ बाइवपास सडकतर्फ घरेलु कार्यालयको चोकदेखि पूर्व पश्चिम लोकमार्गतर्फ सप्तगण्डकी अस्पताल चोकसम्म ।
निषेधाज्ञ तोड्नेलाई कानुनतः १ महिनासम्म कैद हुनेछ ।
