विराटनगर
आउँदो असार १६ मा अतिथि सदन विराटनगरले स्वर्ण जयन्ती महोत्सव मनाउँदैछ । यसैको सेरोफेरोमा बुधवार विराटनगरमा दुई कार्यक्रम भएका छन् ।
संजय दुगड संयोजक रहेको रक्तदान कार्यक्रम तथा घनश्याम राठी संयोजक रहेको होमियोपेथिक शिविर सम्पन्न भएका छन् ।
रक्तदान कार्यक्रममा ३२ जनाले रक्तदान गरेका छन् ।
सो कुराको जानकारी स्वर्ण जयन्ती महोत्सवका सचिव एवं रक्तदान कार्यक्रमका संयोजक संजय दुगडले दिएका छन् । उनका अनुसार टिकम सिंहसहित ३२ जनाले रक्तदान गरे । रक्तदान गर्ने ३२ जना सवैलाई पूर्वअध्यक्ष नन्द किशोर राठी, अतिथि सदनका कार्यकारिणी सदस्यद्दय संजय दुगड एवं विमल अग्रवालले प्रमाणपत्र प्रदान गरेका थिएँ ।
यसैबीच बुधवारनै अर्को निःशुल्क होमियोपेथिक कार्यक्रम समेतको आयोजना गरियो । यसबाट ५८ जनाले लाभ उठाएको संयोजक घनश्याम राठीले बताएँ । राठीका अनुसार यो शिविर राठी स्वास्थ्य सेवा पुष्पलाल चोकको सहकार्यमा आयोजना गरिएको हो ।
डा. पंकज गौश्वामी, डा. जेसी राय र डा. युदेसा धनन्जनीले विरामीहरुको शिविरमा स्वास्थ्य परिक्षण गरेका थिएँ । यसक्रममा विरामीलाई निःशूल्क औषधी पनि वितरण गरियो ।
