विराटनगर
आज ५६९ औं श्री कबिर जयन्ती बिराटनगर लगायत मुलुकभर भब्यताका साथ मनाईदै छ । सो कुराको जानकारी श्री गुरु कविर साहेव सथानका सभापति बाबु प्रसाद यादवले दिएका छन् ।
सो अवसरमा मुलुकका विभिन्न जिल्लाहरुमा रहेका श्री गुरु कबिर साहेब स्थानहरुमा विविध कार्यक्रम आयोजना गरिएको जानकारी साहेव स्थानका उप सभापति महावीर प्रसाद रौनियारले दिएका छन् ।
बिराटनगरमा मात्र श्रीे कबिर साहेवको ६ वटा स्थान रहेको कुरा गुरु कविर स्थानका सचिव दिप नारायण रौनियारले बताएका छन् । सो स्थानहरुमा आज भजन कीर्तन, सेतो झण्डो–तोलन, सन्त भोजन, लगायत अन्य विविध कार्यक्रमहरु भइरहेको कोषाध्यक्ष संजीव यादवले जानकारी दिएँ ।
जयन्तीमा सहभागी हुन हरिनगर, बुढीगंगा लगायत अन्य विविध ठाउँबाट सन्त महात्माहरु विराटनगरको बाटा रोडमा रहेको श्री कबिर स्थानमा आएको कुरा सदस्य राजेन्द्र प्रसाद यादव बताउँछन् ।
बिराटनगरभित्र मात्र एक हजारको संख्यामा गुरु कबिर साहेबका अनुयायीहरु रहेको स्थान समिति विराटनगरका अध्यक्ष बाबु प्रसाद यादवले जानकारी दिएका छन् ।
श्री गुरु कविर साहेव ५६९ वर्ष अघि भारतमा उत्पत्ती भएको किंबदन्ती रहेको कुरा समितिका सदस्य नागेन्द्र प्रसाद भगतको दावी रहेको छ । उनले विश्वमा छुवाछुत उन्मूलनका लागी अगुवाको भुमिका खेलेको अनुयायी बताउछन् ।
श्री कविर साहेव हिन्दु धर्म अन्र्तगत नै पर्ने गरेको जानकारी समिति सदस्य दिगम्वर यादव बताउँछन् । अन्तर यति मात्र छ, हिन्दु धर्मले छुवाछुत मान्छ, कविरका अनुयायी छुवाछुत मान्दैनन् ।
