युवा समाजसेवी चाँदबाबु इराकी डा. कलाम युवा रत्न पुरस्कारबाट सम्मानित
विराटनगर, श्रावण १४
विराटनगरका युवा समाजसेवी चाँदबाबु इराकी डा. कलाम युवा रत्न पुरस्कारबाट सम्मानित भएका छन् । भारतको राजधानी नयाँ दिल्लीमा आयोजीत एक कार्यक्रममा इराकी सम्मानित भएका हुन् ।
१२ देशका होनहार ३०० युवा सम्मिलित यस भव्य कार्यक्रमका बीचमा आफू सम्मानित हुन पाएकोमा इराकी खुशी व्यक्त गर्छन् । नेपालको राष्ट्रिय झण्डा यतैबाट लगेका उनले उक्त झण्डा दिल्लीको उक्त औंपचारिक कार्यक्रममा र्फफराएका थिएँ ।
यो नै नेपाली हुनुको एउटा शान अनि मान हो । जव विदेशी भूमिमा आफुभन्दा प्यारो आफ्नो राष्ट्रियता हुन्छ , हो यही चीजले आफ्नो स्वाभिमान उच्च राख्छ । जसको प्रतिनिधित्व नेपालका इराकीले भारतमा गरे ।
भारतका पूर्व राष्ट्रपति तथा मिसाइलम्यान उपाधीधारी डा. एपीजे अब्दुल कलामको पुण्यतिथीको अवसरमा ख्वाव फाउण्डेशनले आयोजना गरेको उक्त ऐतिहासिक कार्यक्रममा नेपाल, भारत लगायत मलेसिया, श्रीलंका, बंगलादेश, साउदी अरेयिबा, अफ्रिका, माल्दिभ्स, बर्मा लगायत देशबाट होनहार युवाको गरिमामय उपस्थिती रहेको थियो ।
