चितवन, भाद्र १०
संचारकर्मी रवि लामिछानेले मृत शालिकराम पुडासैनीको बारेमा सार्वजनिक रुपमा बोल्न नपाउने भएका छन् । पुडासैनीको आत्महत्या दरुत्साहनको मुद्दा खेपिरहेका रविलाई जिल्ला अदालत चितवनले उक्त विषयमा बोल्न प्रतिबन्ध लगाएको हो ।
सोमाबार थुनछेक बहसपछि लामिछानेसँग ५ लाख, युवराज कँडेलसँग ३ लाख धरौटी माग गरेको छ । अर्की अभियुक्त अस्मिता भनिने रुकु कार्कीलाई भने साधारण तारेखमा रिहा गर्न भनिएको छ ।
साथै अभियुक्तहरुलाई यो मुद्दाबारे सार्वजनिक रुपमा बोल्न समेत रोक लगाएको छ ।
मुद्दाको अन्तिम टुंगो नलागेसम्म समाजिक संजाल तथा टेलिभिजन वा कुनै पनि संचारमाध्यमबाट यस विषयको बारे चर्चा गर्न अभियुक्तहरुले नपाउने भएका छन् । मुद्दा प्रक्रिया तथा अनुसन्धानमा प्रभाव पर्न सक्ने संभावनालाई मध्यनजर गर्दै उनीलाई यस विषयमा अदालतले बोल्न प्रतिबन्ध लगाएको हो ।
