रियाज तथा माल्भिका
विराटनगर, साउन २१
पूर्वमिस नेपाल मध्येकी सवैभन्दा राम्री माल्भिका सुब्बाको घरवार विग्रियो भन्दा धेरैलाई पत्यार नलाग्ला, तर यो वास्तविकता हो । मनोरन्जन क्षेत्र मध्येको सफल जोडी रियाज श्रेष्ठ तथा माल्भिका सुब्बाको मानिन्थ्यो । लभ म्यारिज गरेका यिनीहरुको घरवार आज तासको घरझै भत्कियो ।
नायिका प्रियंका कार्कीको युट्युव कार्यक्रमका क्रममा माल्भिकाले आँशुको धारासरी यो वियोगान्त कथा बेलिविस्तार लाएर सुनाएकी थिइन् । हुन त रियाज अनि माल्भिकाको सम्वन्ध नराम्रो भएको ४ बर्षभन्दा बढी समय भइसकेको थियो । तरपनि आफ्नो घरवार विग्रियोको कुरा आजसम्म माल्भिकाले लुकाएरनै राखेकी थिइन् । माल्भिका रियाजसँग अलग भएको पनि ४ बर्षनै वितिसकेको छ ।
त्यो कठिन समयमा आत्महत्याको बाटो रोजेको पनि माल्भिका स्मरण गर्छिन् । तर छोराको मायााकै कारण आज आफु जिवित भएको उनी रुदै भन्छिन् । यता एउटै छोराको लालनपालन चाहीँ दुवै मिली गरिरहेका छन् ।
आफू सेलिव्रटी भएको कारण पनि आफूभित्रको पीडा लुकाएर राखेको माल्भिका बताउँछिन् । प्रियंकासँग मनको कुरा खोल्न सजिलो भएको कारण पनि हुनसक्छ, यस समयमा माल्भिका निर्धक्क भएर खुलेकी छिन् । फेरी अर्कोतर्फ सेलिब्रेटीको हाईफाई लाइफ हेर्दा देखिने हुँदा समेत आफू दर्शकमाझ खुल्न डराएको समेत उनी बताउँछिन् । मनभित्र रहेको दुःख, पीडा आखिर कतिसमयसम्म दवाएर राख्न सकिन्छ र भन्दै यसपाली माल्भिकाले सवै कुरा खुलस्त पारिदिइन् ।
रियाज अनि माल्भिकाको इन्टरकास्ट म्यारिज भएको कारणनै घरवार टुटेका बताइन्छ । यो कुरा उनी स्वंयम् पनि स्विकारछिन् । विहे गरेको शुरु शुरुमा पति रियाज अनि उनको परिवार सवैले राम्रो गरेको र पछि विस्तारै सम्वन्धमा खटपट शरु भएको माल्भिका जोडले भक्कानिदै बताउँछिन् ।
अन्ततः जे नहुनु थियो, त्यो भएर छाड्यो । रियाज तथा माल्भिकाको घरवार टुट्यो । यसक्रमा माल्भिकालाई सम्पतिको लोभ लालच अलिकता पनि रहेन । श्रीमानको एक पैसा पनि उनले नलिइ अलग भएकी हुन् । एक छोरा अहिले माल्भिाकै साथमा छ ।
