विराटनगर, श्रावण ३२
विराटनगरमा नेपाल परिवार नियोजन संघ नेपाल(एफपान) को, प्रादेशिक कार्यशाला गोष्ठी कार्यक्रम सम्पन्न भएको छ । यहाँस्थित इस्टर्न स्टार होटलमा उक्त कार्यक्रम भएको हो ।
कार्यक्रमका प्रमुख अतिथि कोशी प्रदेशकी स्वास्थ्य मन्त्री निर्मला लिम्वू रहेकी थिइन् । यसक्रममा आफ्नो मन्तव्य राख्दै, मन्त्री लिम्वूले, आफुले स्वास्थ्य मन्त्रीको जिम्मेवारी सम्हालेको केही दिन मात्र भएको बताउँदै, सिमीत बजेटका वावजूद धेरै अपेक्षा भएका कारण कतिपय कुरा पूरा हुन नपाएको जानकारी गराइन् ।
कार्यक्रमका क्रममा सहभागीले उठाएको विविध प्रश्न, जिज्ञासा, कौतुहलताको जवाफ मन्त्री लिम्वूले बडो सटिक र संक्षेपमा दिइन् ।
कार्यशालाको सभापतित्व नेपनि संघ मोरङका सभापतिले गरेका थिँए । कार्यक्रममा कोशी प्रदेशका केही सदस्यहरु, मोरङ जिल्ला भित्रका पालिका प्रमुखहरु, उपप्रमुख लगायतको उपस्थिती रहेको थियो ।
त्यस्तैगरी सरकारी गैरसरकारी निकायका प्रतिनिधिहरुको पनि राम्रै उपस्थिती देखियो । कार्यक्रमको अन्त अन्तमा एफपानको पूर्व केन्द्रिय सदस्य सुवोध निरौलाले संघको तर्फवाट प्रतिवद्धतापत्र पेश गरे । सो प्रतिवद्धतापत्रमा कार्यक्रममा उपस्थित जनप्रतिनिधिहरुको हस्ताक्षर समेत गराइयो ।
