०६ मंसिर २०८३, शनिबार
21-11-2026 , Sat
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

रोकिएन विराटनगरको क्यासिनोमा स्थानीयलाई जुवा खेलाउने कार्य

Logo
संवाददाता जनचर्चा

विराटनगर, मंसिर ४
नागरिक समाजबाट बारम्बार आवाज उठि रहँदापनि विराटनगरको क्यासिनोमा स्थानीय नेपालीहरुलाई जुवा खेलाउने कार्य रोकिएको छैन । यो संचारमाध्यमले बारम्बार उठान गरिरहेको विषय समेत हो । निरन्तर समाजबाट जुवा रोक्न ताकेता आईरहँदा पनि यस गैरकानूनी कामलाई प्रहरी संयन्त्रले रोक्न सकेको छैन ।

विषेशगरी विराटनगरको होटल विगमा संचालनमा रहेको च्याम्पेन जोन क्यासीनोमा अझैपनि ठुलो शंख्यामा नेपालीहरुलाई निर्वाध रुपमा जुवा खेलाउने काम भईरहेको पाईएकाे छ । यस क्यासिनोमा स्थानीय नेपालीहरुलाई प्रवेश गर्न र जुवा खेल्न रोकटोक छैन् । कानुनतः नेपालको क्यासिनोमा स्वदेशीहरुलाई जुवा खेलाउन पाईदैन । तर यस क्यासिनाको मुख्य ग्राहक विराटनगरकै स्थानीय व्यावसायी तथा सर्वसाधरण रहेका छन् ।

यस विषयमा प्रहरीलाई पटक पटक गुनासो गएतापनि आजसम्म कोही पनि रंगेहात पक्राउ परेका छैनन् । नेपाल प्रहरीका कोशी प्रदेश प्रमुख नायब महानिरिक्षक राजेशनाथ बास्तोला र मोरङका प्रमुख उपरिक्षक दिपक पोखरेललाई समेत यस विषयमा नागरिक समाजले पटक पटक गुनासो पोखिसकेका छन् । बझ्नमा आएको छ, च्याम्पेन जोन क्यासिनोका संचालक राम कृष्ण गौतमले केही प्रहरी अधिकारीहरुसँग मिलेमत्तो गरी स्थानीय नेपालीहरुलाई जुवा खेलाईरहेका छन् । मिलेका प्रहरीहरुले सुचना चुवाउने हुँदा हालसम्म कोही पनि रंगेहात प्रहरी पर्न नसकेको स्रोतको बुझाई छ ।

तर जिल्ला प्रहरी कार्यलय मोरङका प्रमुख उपरिक्षक दिपक पोखरेलले विराटनगरको क्यासिनोमा नेपालीलाई जुवा खेलाउने काम भईरहेको मान्न तयार छैनन् । पोखरेलले फोन सम्पर्कमा भने “हामीले बारम्बार क्यासिनोमा छड्के चेकजाँच गरिरहेका छौं तर कहिले पनि नेपालीले जुवा खेलेको भेटेएका छैनौं । त्यहीँ भएर यो कुरा हावा मात्र हो भनेर बुझ्नुपर्दछ।” उनेले प्रहरीसँगको मिलेमत्तोमा जुवा खेलाउने काम भईरहेको आरोपलाई ठाडैँ अस्वीकार समेत गरे ।

उता, क्यासिनोको ग्राहक समेत रहेका स्थानीय केही व्यापारीहरुले विराटनगरको क्यासिनोमा नेपालीलाई जुवा खेलाउने कार्य अझैपनि चलिरहेको स–प्रमाण सुचना जनचर्चा डटकमलाई दिएका छन् । स्वयम् जुवा खेल्ने व्यक्तिले नै विभिन्न प्रमाण जुटाएर जुवा चलिरहेको गावही दिईरहँदा क्यासिनो नियमनको सवालमा प्रहरी कामकारवाही चित्त बुझ्दा नरहेको सोझो आकंलन गर्न सकिन्छ ।

याे पनि पढाैं : कानुन विपरीत विराटनगरको क्यासिनोमा स्वदेशीलाई जुवा खेलाईदै

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]