१४ भाद्र २०८२, शनिबार
30-08-2025 , Sat
Gold Silver Price (28 shrawan 2082, Wed)
Fine Gold 1 Tola NRs. 197200
Silver 1 Tola Nrs. 2340

रुफटप हेलीप्याड सहितकाे आर.आर. इन्टरनेसनल हस्पिटल शिलान्यास

Logo
निरज बस्नेत प्रकाशित बिहिबार, पुष ०५, २०८०

विराटनगर, पुष ५ । नेपाल उद्योग वाणिज्य महासंघ कोशीका अध्यक्ष एवम् विराटनगरका उद्योगी राजेन्द्र राउतले अस्पताल संचालन गर्ने भएका छन् ।मोरङको बुढीगंगा गाउँपालिका १ मा निर्माण हुने २०० शय्याको मल्टीस्पेसियालिटी अस्पतालको बुधबार शिलान्यास गरिएको छ । १८ कट्ठा जमिनमा २५० करोडको लागतमा आर.आर. इन्टरनेसनल हस्पिटल निर्माण गरिने राउतले जानकारी दिए ।

बुधबार शिलान्यास कार्यक्रम संगै आयोजित पत्रकार सम्मेलनमा बोल्दै राउतले आसपासमा भएका अन्य अस्पताल संग गुणस्तरमा प्रतिस्पर्धा गर्ने बताए । यसो हुदा सेवाग्राहीपनि लाभान्वित हुने उनको तर्क छ । २४ महिनाभित्र निर्माण कार्य सम्पन्न गरेर अस्पतालको शुभारम्भ गरिने राउतले जानकारी दिए । २०० सय वेडको ‘अस्पतालले मुटुरोगको उपचारलाई प्राथमिकतामा राखेर २४ सै घण्टा कार्डियाक इमर्जेन्सी र क्याथ ल्याब सेवा ,मधुमेह र ग्यास्ट्रो इन्ट्रोलोजीका लागि छुट्टै रिसर्च सेन्टर बनाइने बताए ।

स्वास्थ्य क्षेत्रका बहुलक्षित योजनाका साथ हस्पिटल स्थापना हुने विश्वास राउतले लिएका छन् । हस्पिटल बारे जानकारी दिन गरिएको कार्यक्रममा राउत परिवारका सदस्यहरु सहभागी भएका थिए । राजेन्द्र राउतका जेठा छोरा एवम् आर.आर.इन्टरनेशनल अस्पतालका निर्देशक प्रतिक राउतले हस्पिटल शुरु भए संगै जटिल स्वास्थ्य सेवाका निम्ति विदेश तथा राजधानीका अस्पताल धाउनुपर्ने बाद्यता हट्ने दावी गरेका छन्। साे अस्पतालमा रुफटम हेलीप्याडकाे समेत निर्माण गरिने भएकाे छ ।

पत्रकार सम्मेलनमा श्रीमती सीमा राउत र प्रत्यूष राउतको सहभागिता रहेको थियो । सिमेन्ट, जुत्ताचप्पल, खानीलगायत दर्जनौ उद्योग संचालन गर्दै आएका राउतले सेवा क्षेत्रमा हात हाल्दै अस्पताल संचालनको तयारीमा जुटेका छन् ।

कमेन्ट गर्नुहोस्
सम्बन्धित

२९ श्रावण, विराटनगर । पूर्वाञ्चल विश्वविद्यालय कलेज अफ ल, विराटनगरमा भर्ना कार्यक्रम धमाधम भइरहेको छ। श्रावणको पहिलो साताबाटै सुरु भएको भर्ना कार्यक्रममा ठूलो संख्यामा विद्यार्थीहरुको चासो देखिएको छ। शैक्षिक सत्र २०८२ (सन् २०२५) का लागि ५ वर्षे बि.एल.एल.बि र ३ वर्षे एल.एल.बि शैक्षिक कार्यक्रममा नयाँ विद्यार्थी भर्ना लिईदैछ। उक्त शैक्षिक कार्यक्रमहरु बार्षिक प्रणालीमा संचालित हुने […]

विराटनगर,२९ साउन । हुलाकी राजमार्गको मोरङ खण्ड अन्तरगत ६ किलोमिटर सडक निर्माण सुरु भएको ६ वर्षसम्म नबनेपछि कोशी प्रदेशका सांसद भीम पराजुलीले गत आइतबार कोशी प्रदेशसभा बैठकको शून्य समयमा बोल्दै सडकको काम तत्काल अघि नबढे प्रदेशसभा अगाडि आमरण अनशन बस्ने घोषणा गरिदिए । यस संगै सदन,सडक र नेताहरुमाझ चर्चाको विषय बनेको हुलाकी राजमार्गको बहस सकिएको छैन […]

विराटनगर, भाद्र २८ – देशको  पुरानो र भरपर्दो शैक्षिक परामर्शदाता संस्था ओली एण्ड एसाेसियट्सले मंगलबार विराटनगरमा आफ्नो ११औं शाखाको उद्घाटन गरेको छ। उद्घाटनकै अवसरमा विदेश पढ्न जान चाहने विद्यार्थीहरूको लागि ग्लोबल एक्स्पोको पनि आयोजना गरिएको थियो। संसारीमाई स्थान नजिक रहेको कन्सल्टेन्सी भवनमा आयोजित कार्यक्रममा विदेश अध्ययनमा रुचि राख्ने ५०० भन्दा बढी विद्यार्थीहरूले सहभागिता जनाएका थिए। […]