०६ मंसिर २०८३, शनिबार
21-11-2026 , Sat
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

झुपडी हेरेर निर्णय गर भन्ने बीपीकाे आदेश पालना गरेर बजेटकाे प्रतिस्थापन विधेयक ल्याएकाे छु : मुख्यमन्त्री कार्की

गणतन्त्र, धर्म निरपेक्षता, समावेशिता र संघीयता माथि प्रहार भइरहेकाे छ : शेखर काेइराला
Logo
संवाददाता जनचर्चा

विराटनगर, पुष ५ । मुख्यमन्त्री केदार कार्कीले लाेकतन्त्र र कांग्रेसमा परिवारकाे हाेइन, अब गाउँवासीका कुरा सुन्ने र कार्यकर्ताकाे नेतृत्व गर्नेलाई नेता मान्ने अवस्था आएकाे बताएका छन् । नेपाली कांग्रेस सुनसरीले बिहीबार इनरूवामा आयाेजना गरेकाे कार्यक्रममा कार्कीले साे कुरा बताएका हुन् ।
´झुपडी हेरेर निर्णय गर भन्ने बीपीकाे आदेश पालना गरेर प्रदेशमा बजेटकाे प्रतिस्थापन विधेयक ल्याएकाे छु,` उनले भने, ´अब अस्पतालमा कसैले छाेराछाेरीकाे उपचारका लागि ऋण खाेज्न जानुपर्दैन ।१० वर्षमुनीका प्रदेशभरिका बालबालिकाकाे निःशुल्क उपचारकाे बजेटमा व्यवस्था गरेकाे छु ।` सत्तामा मैमत्ता लाग्ने आराेप युवाले मेट्नुका साथै संयम र सबै पुस्ताकाे नेतृत्व गर्ने नेता देशलाई आवश्यक भएकाे कार्कीले बताए ।

 

साेही कार्यक्रममा बाेल्दै प्रतिनिधिसभा सदस्य तथा कांग्रेस नेता शेखर काेइरालाले देश कमजाेर बनाउन देशीविदेशी शक्ति लागेकाे बताए । कांग्रेस मात्रै लाेकतान्त्रिक र संविधानुसार चल्ने पार्टी भएकाले अहिले चाैतर्फी प्रहार भइरहेकाे समेत उनले बताएका छन् । ´देश र कांग्रेसलाई कमजाेर बनाउन देशीविदेशी शक्तिहरू लागेकाे छ त्यसैले कमजाेर हुन दिनुहुँदैन,` उनले भने, ´कांग्रेस कमजाेर भयाे भने लाेकतन्त्र छिन्नभिन्न हुन्छ ।`

मुलुकमा अहिले गणतन्त्र, धर्म निरपेक्षता, समावेशिता र संघीयता माथि प्रहार भइरहेकाे काेइरालाले बताए । ´नेतृत्व कमजाेर भइसकेकाले जनताकाे निरासा र आक्राेशले गणतन्त्र, धर्म निरपेक्षता, समावेशिता र संघीयतामाथि प्रहार भइरहेकाे हाे` उनले भने, ´त्यसमा पनि मन्त्रीहरूकाे अराजकताले यी सब भइरहेकाे छ ।`

देशमा सुशासन दिन नसक्ने, भ्रष्टाचार र दण्डहिनता राेक्न नसक्ने सरकार भएपछि सर्वसाधारण निरास भएकाे काेइरालाले बताएका छन् । ´देशकाे अर्थतन्त्र धरापमा छ, ऋण लिएर कर्मचारी, सांसदले तलव खाइरहेका छन्,` उनले भने, ´हमास र इजराइलकाे द्वन्द्व साम्य नभए वैदेशिक राेजगार गुमेपछि अर्थतन्त्र धरापमा पर्छ ।`

उनले बैंकहरूले किसानलाई ऋण दिँदैन तर उद्याेगीलाई आदर पूर्वक दिने गरेकाले किसानकाे अवस्था वेहाल भएकाे बताएका हुन् । ´उखुकाे भुक्तानी पाउँदैन किसानले, देशमा रहेकाे ३५ वटा चिनी मिल बन्द भएर ९ वटा मात्रै चलेकाे छ ।` मुलुकमा नेतासँगै कर्मचारी र व्यापारी त्यतिकै भ्रष्ट रहेकाे र यी सब ठीक नभएसम्म देशकाे अवस्था नसुध्रिने काेइरालाकाे भनाइ छ ।

 

 

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]