विराटनगर, पुष ८
बिराटनगर – २ स्थित बुढानीलकण्ठ सकेण्डरी ईग्लिस स्कुलले क्रिसमस डे को पुर्वसंध्यामा आईतबार विभिन्न कार्यक्रमको आयोजना गरेको छ । विद्यार्थीहरुबिच विभिन्न धर्म विशेष कार्यक्रमहरु मनाउदै आएको सो स्कुलले आईतबार क्रिसमस ईभ मनाएको बताएको छ ।
कार्यक्रमको सुरुवातमा स्कुलका साना कक्षामा अध्यायनरत विद्यार्थीहरुले संगीत र नृत्य प्रस्तुत गरेका थिए । कार्यक्रमकै क्रममा कक्षा तीन र सातका छात्र छात्राहरुले छुट्टा छुट्टै गीतमा सामुहिकमा नृत्य प्रश्तुत गरेका थिए । विद्यार्थीहरुले सेन्टाक्लसको पोसाक पहिरिएर स्कुल प्राङ्गणको अग्रपंत्तिमा शोभा समेत बढाएका थिए ।
कार्यक्रमलाई छोटो समयमै राम्रो र सफल बनाउन सहयोग पु¥याउने नृत्य प्रशिक्षक तथा सम्पूर्ण शिक्षक – शिक्षिकाहरुलाई स्कुलका प्रिन्सिपल मणी राज भट्टराईले धन्यावाद ब्यक्त गरेका थिए ।
