विराटनगर, पुष ११
। काेशीका मुख्यमन्त्री केदार कार्कीले प्रदेश सरकारलाई अधिकार सम्पन्न बनाउन र संविधान कार्यान्वयनका लागि पत्रकारकाे भूमिका अपरिहार्य रहेकाे बताएका छन् ।
मुख्यमन्त्री निवासमा भेटघाटका लागि पुगेका नेपाल पत्रकार महासंघ काेशी प्रदेश कार्य समितिसँगकाे छलफलमा साेमबार मुख्यमन्त्री कार्कीले प्रदेश सरकारले प्रदेशभरिका पत्रकार महासंघकाे भाैतिक संरचना विकासमा याेगदान गरिरहेकाेले पत्रकार महासंघलाई पनि प्रदेशकाे अधिकार प्राप्तीका लागि बहस चलाउन आग्रह गरेका हुन् ।
´प्रदेश सरकारलाई कानून बनाएर अधिकार हस्तान्तरण नगरिरहेकाे र कानून, नियम बनिसकेकाे प्रहरी समायाेजन नगर्ने सरकार र संघीय सांसदलाई प्रश्न गर्नुका साथै बहस चलाउनु आवश्यक छ, उनले भने, ´प्रदेशलाई अधिकार सम्पन्न बनाउन कानून नबनाउने तर प्रदेशप्रति सार्वजनिक अभिव्यक्ति दिएर प्रश्न उडाउने सांसद माथि सञ्चारकर्मीले किन प्रश्न उठाइरहेकाे छैन ?
प्रदेशलाई संस्थागत गर्न, संविधान कार्यान्वयकाे, संसदमा संविधान कार्यान्वयनकाे बारेमा आवाज उठ्याे कि उठेन त्यस बारेमा पत्रकार महासंघले बहस गर्नुपर्ने मुख्यमन्त्री कार्कीकाे भनाइ थियाे । ´पत्रकार महासंघ इन्स्टिच्यूट हाे । सरकारलाई याे राम्राे र याे नराम्राे पत्रकार महासंघले भन्नुपर्छ । खबरदारी गर्नुपर्छ,` उनले भने, ´पत्रकार र पत्रकार महासंघ सरकारकाे अंग नै भएकाले सरकारकाे कामकाज प्रभावकारी बनाउन भूमिका निर्पाह गर्नु आवश्यक छ ।` पत्रकारले प्रदेश सरकारले गरेका राम्राे कामकाे प्रचार र कमीकमजाेरीप्रति खबरदारी गर्ने दायित्वबाट पञ्छिन नमिल्ने मुख्यमन्त्री कार्कीकाे भनाइ थियाे ।
´प्रदेश सरकार पत्रकारकाे हक अधिकारकाै संरक्षणका साथै वृति विकासमा सदैव तत्पर रहन्छ त्यसैले ढुक्क भएर निष्पक्ष रूपमा कलम चलाेस्`, उनले भने, ´प्रदेश सरकारले चालू प्रदेशसभाकाे अधिवेशनमा नै सञ्चार ऐन ल्याएर पारित गराउँछ ।`
