विराटनगर, पुष १५ । नेपाल सुन चाँदी व्यवसायी संघ विराटनगरको अध्यक्षमा पुन: शशिभुषण शाह निर्वाचित भएका छन् । शनिबार विराटनगरमा सम्पन्न १७औं साधारण सभाले सर्वसम्मत रुपमा शाहलाई अध्यक्ष पदको जिम्मेवारी दिएको हो । नेपाल सुन चाँदी व्यवसायी महासंघका केन्द्रिय अध्यक्ष मानिक रत्न शाक्य प्रमुख अथिती र माेरङ्ग प्रहरी प्रमुख उपरिक्षक दिपक पाेखरेल विशिष्ट अतिथिकाे रुपमा उपस्थित भएका थिए ।
त्यसैगरी अधिवेशनले आभुषण ज्वेलर्सका कमलेश अग्रवाल र दिनेश शाहलाई उपाध्यक्ष पदको जिम्मेवारी दिइएको छ । शुभम् ज्वेलर्सका कमलेश अग्रवालले दोस्रो कार्यकालका लागि महासचिव पदको पाएका छन् ।
यसअघि ११ सदस्यीय पदाधिकारीसँगै कार्यसमिति रहेको संघमा अब १७ सदस्य कार्यसमिति र ७ सदस्यीय सल्लाहकार समिति रहने साधारण सभाले व्यवस्था समेत गरेको छ । त्यसैगरी विनोद शाह कोषाध्यक्ष, प्रकाश मैनाली सचिव र मुकेश सोनी सहसचिवमा निर्वाचित भएका छन् ।
विजय राठी, राजिव शाह, ललित बेगवानी, आलोक राठी, दिपेन्द्र स्वर्णकार, तरुण अग्रवाल र सुनिल सोनीलाई कार्यसमितिमा सदस्यका जिम्मेवारी पाएका छन् ।
