काठमाडाैं, १८ पुस ।बालकुमारी घटनाले सरकारसँगै यातयात तथा भौतिक पुर्वधार मन्त्री प्रकाश ज्वालाको चौतर्फी आलोचना हुन थालेपछि मन्त्री जवालाई फिर्ता बोलाउन प्रधानमन्त्री पुष्पकमल दाहालले एकिकृत समाजवादी पार्टीका अध्यक्ष माधव कुमार नेपाललाई टेलिफोन मार्फत आग्रह गरेका छन् ।
शुक्रवार रोजगारीका लागि कोरिया जान भाषा परीक्षामा सामिल हुन पाउँ भन्ने माग राख्दै केही ललितपुरको बालकुमारी स्थित इपीएस वरपर युवाहरुले प्रर्दश्न गरी राखेका थिए । तर सुरक्ष संवेदनशीलतालाई बेवास्ता गर्दै मन्त्री ज्वाला प्रर्दशन स्थलबाटै सरकारी गाडीमा बालकुमारी हुँदै कोटेश्वर तर्फ जाँदा आक्रोसित भिडको आक्रमणमबाट मन्त्रीलाई वचाउन र भीडलाई नियान्त्रण गर्न प्रहरीले गोली चलाएको थियो । उक्त घटनामा प्रहरीको गोली लागेर आन्दोलनमा सहभागी दुई युवा सुजन रावत र बिरेन्द्र शाहको मृत्यु भएको थियो ।
शुक्रबारको घटनापछि चौतर्फीरुपमा मन्त्री ज्वाला, प्रधानमन्त्री, गृह मन्त्रीको आलोचना भइरहेको छ । तर बालकुमारीको घटनापछि मन्त्री ज्वाला सो घटनामा आफु जिम्मेवार नभएको कारण देखाउँदै पन्छिन खोजी राखेका छन् । बालकुमारी घटनापछि ललितपुरका सिडियो सिडिओ रुद्रप्रसाद पण्डितलाई गृहमन्त्रालय र ललितपुरका प्रहरी प्रमुख एसपी सिद्धि बिक्रम शाहलाई प्रह्री प्रधान कार्यलय तानिएको थियो भने मन्त्री ज्वालाको पिएसओ बोधराज दुनार, स्पट कमाण्डर डीएसपी उमेश लम्सालल र ईपीएस कोरिया शाखा प्रमुख गुरुदत्त सुवेदीलाई मन्त्री परीषदले निलम्वन गर्ने निर्णय गरेको थियो ।
