उत्तम जोशी
विराटनगर, पुष १९
विराटनगर ७ निवासी उत्तम जोशी ७ बर्ष जापान बसेर आएका युवा हुन् । अहिले ३३ बर्ष लागेका जोशी हाटखोला चोकमा माता पाथिभरा हार्डवेयर विगत ६ महिनादेखी चलाइरहेका छन् । एकलौटी लगानी रहेको जोशीको यो हार्डवेयर पसलमा मूलतः बर्जर पेन्टस्को सामाग्रीहरु सस्तो , होलसेल रेटमा उपलब्ध छन् । यहाँदेखी बाहेक, सेनेटरी, पाइप , मार्वल ब्राण्डका गुणस्तरीय टिकाउ भरपर्दो सामाग्रीहरु, ब्लो, इत्यादी पाइन्छन् । यी सवै पूर्णतः अन्य हार्डवेयरको तुलनामा सस्तो माता पाथिभरा हार्डवेयरमा पाइन्छ । साथै, यस हार्डवेयरले, अर्डर बमोजिमको बालुवा, माटो, इट्टा लगायत पनि उपलब्ध गराउँछ । यो पनि सुलभ दरमा ।
४ बर्ष अगाडी विवाह बन्धनमा बाधिएका जोशी, एक छोरीका बाबु पनि हुन् । छोरा, श्रीमान्, बुवा अनि एक सफल उद्यमीको जिम्मेवारी आजको दिनमा जोशीले निष्फिक्री रुपमा निर्वाह गरिरहेका छन् । तत्कालीन समयमा जापानमा रहदा, राम्रो आम्दानीसहितको जागिर, जोशीले त्यागी , आफ्नै माटोमा केही गर्छु भनी विदेश मोहलाई चटक्कै छोडी आज विराटनगर ७ हाटखोलामा राम्रो व्यापार चम्काएका छन् । गरिखाने अनि मिहिनेती मान्छेका लागि गर्न चाह्यो भने आफ्नै देशमा रहेर मनग्गै कमाउन सकिन्छ । यो गतिलो उदाहरणीय व्यक्तित्वको परिचय आज, उत्तम जोशीले दिन सफल भएका छन् ।
