विराटनगर, पुष २५ । सुर्तीजन्य पदार्थको विक्रीवितरणमा रोक लगाउने विराटनगर महानगरको निर्णय विरुद्ध उच्च अदालत विराटनगरले परमादेश जारी गरेको छ । यससँगै अब विराटनगरमा गुट्खा लगाएत सुर्तीजन्य पदार्थ बिक्री वितरण गर्ने बाटो पुनः खुला भएको छ । उच्च अदालतका न्यायधीसहरु गणेश बराल र ममता खनालको इजलासले सो परमादेश जारी गरेको हो ।
अदालतको यो आदेशसँगै विराटनगर महानगरपालिकाले कानुन जारी गरेर कार्यन्वयनमा ल्याएको सुर्तीजन्य वस्तुको बिक्री वितरण रोकमा बे्रक लागेको छ ।
साउन १ गतेदेखि विराटनगर महानगरपालिले पालिका क्षेत्रभित्र सुर्तीजन्य वस्तुहरु सुर्ती, खैनी र गुटखा विक्री वितरणमा प्रतिवन्ध लगाएको थियो । त्यसउता नगरक्षेत्र भित्र सुर्ती, खैनी र गुटखा विक्री वितरण गर्ने व्यवसायीलाई धरपकड गर्दै महानगरले कारवाही गर्दै आएको थियो । व्यवसायमा धक्का पुग्ने गरी महानगरले कदम चालेपछि उक्त निर्णय विरुद्ध श्रीराम टोबाकोले तत्कालै उत्प्रेषण परमादेशको मुद्दा दायर गरेको थियो ।
