बर्जु/सुनसरी, पुष २६
पाँचौ बर्जु महोत्सवको समुद्घाटन शुक्रवार, भोली माननीय भगवती चौंधरीद्दारा हुने भएकाेछ । सो कुराको जानकारी महोत्सवका संयोजक श्रवण चौंधरीले विहीवार आयोजित पत्रकार सम्मेलनका दौरानमा दिएका छन् ।
महोत्सव बर्जु तालको १ नं. गेटको खुला चौरमा हुनेछ । यो कुराको जानकारी बर्जु सामुदायिक विकास केन्द्रका सचिव, सन्जिव चौंधरीले गराएका छन् । १५२ विघा क्षेत्रफलमा फैलिएको चिमडी बर्जु ताल भने प्रचारप्रचारकै कारणले आजसम्म ओझेलमा परेको देखिन्छ । तरपनि बर्जुकै स्थानीय समाजसेवीद्दय, श्रवण तथा सन्जिवको तदारुकताका कारण यो महोत्सव पाँचौंपटक हुन गइरहेको छ ।
महोत्सवलाई आकर्षक बनाउन , प्रत्येक दिन स्थानीय कलाकारको साथमा राष्ट्रिय कलाकारहरुको जोडदार प्रस्तुती रहने कुरापनि पत्रकार सम्मेलनका क्रममा जानकारी गराइएको थियो । नाम चलेका कलाकारहरु, ज्योती मगर, र्धुमुस–सुन्तली, मुस्कान चौधरी, शुशिला कार्की, प्रिति पासवान, भगवत मण्डल, निरुता साह र माही मनिस लगायत रहेका छन् । महोत्सवमा सांगितिक माहौलका अलावा, प्रत्येक दिन दिनको ३ बजेदेखी कुस्ती–दंगल समेत हुने कुराको जानकारी संयोजक श्रवणले बताएका छन् । कुस्तीमा नेपाल तथा भारतका पहलवानहरु दुवै समावेश हुनेछन् । उनका अनुसार मनोरन्जनात्मक खेलहरु, झुला, रोटेपिङ, ड्रागन रेल, मिक्की माउस आदी रहनेछ ।
विशेषतः महोत्सवमा १०० जना स्थानीय जेष्ठ नागरिकलाई समेत आयोजकले सम्मान गर्ने सचिव सन्जिव बताउँछन् । महोत्सवमा ३० स्टल हुनेछन् । साथै महोत्सवलाई भव्य – सव्य बनाउन १०० जना स्वयंसेवकको पनि व्यवस्था आयोजकले गरेको छ । त्यस्तैगरी शान्ति सुरक्षाका लागि नेपाल प्रहरी र सशस्त्र प्रहरी समेत परिचालित हुनेनै छन् ।
सिसी क्यामेरा १० ठाउँमा जडान हुनेछन् । महोत्सव पुष २७ गतेदेखी माघ ११ गतेसम्म गरी जम्मा १४ दिनसम्म लाग्नेछ । महोत्सवको समय दैनिक विहान १० बजेदेखी राती १० बजेसम्म चल्नेछ । कोशी प्रदेशको सवैभन्दा ठूलो जलाशय प्रदेश राजधानी विराटनगरदेखी ८ कि. मी. पश्चिममा बर्जु ताल अवस्थित छ । बर्जु गाउँपालिकाको ऐतिहासिक धरोहर पर्यटकीय स्थल महाभारत काल खण्ड सँग जोडिएको ५ पाण्डवहरु द्रोपदी तिर्खाएको बेला पानी खोज्न जाँदा बकुल्ला उडेका ठाउँमा अवश्य पानी होला भनेर पानी लिन जाँदा पालैपालो ५ पाण्डव मुर्छित भएको यो ताल आफैमा पौराणिक पनि छदैछ ।
